Në kopshtin “Princi i Lumtur” ëndrrat bëhen realitet. Jo më larg se këtë javë, fëmijët e këtij kopshti, ishin vizitorët e vegjël të shtëpisë mbretërore. Deri dje, ata princin dhe princeshën i kishin takuar vetëm në përralla, por Edlina Bano Losha, drejtoresha e kopshtit e bëri realitet ëndrrën e tyre.
“Ideja erdhi nga një prind në kopësht dhe e miratova me shumë dashuri dhe pa hezituar”,– thotë Eda, për BusinessMag.al. Ëndrra e tyre ishte të shkonin ta takonin princin dhe princeshën në Pallatin Mbretëror! Të zbukuronin bredhin e Krishtlindjeve tek salloni i madh… të hanin kekun dhe ëmbëlsirat e festës… dhe të dëgjonin me veshët e tyre për librin që Princeshë Elia ka shkruar për familjen mbretërore…. Falë shokut të tyre Johan dhe mamit të tij Ledia, takimi me Princeshën Elia nuk mbeti më një ëndërr!”
Një emocion i pa përshkrueshëm është vizita tek Princ Leka i këtyre fèmijëve të vegjël që edhe sjelljen e bënë të denjë për vendin ku kishin shkuar. Edhe pse gjendeshin në një pallat mbretëror, ende nuk e besonin dot që ishin aty, pikërisht në vendin ku kishin lexuar vetëm në përralla.
Mikpritja që karakterizonte shtëpinë e princit dhe princeshës ishte aq e madhe, saqë fëmijët u ndjenë njëlloj si në shtëpinë e tyre. Teksa Eda rrëfen për këtë moment kaq të bukur, nuk harron të theksojë thjeshtësinë e Elias dhe Lekës. të cilët shtëpinë e tyre e kishin mbushur me kaq shumë dashuri.
Lexo: Edlina Bano Losha: Ja pse fëmijët duhet të shkojnë në kopshte edhe kur bie tërmet
Një moment shumë i bukur ishte ai kur Elia u vendosi kurora vajzave, e ndërsa Princ Leka dekoroi djemtë me një medalje simbolike, e cila kishte stemën e Skëndërbeut. Të mbledhur rreth oxhakut, Elia lexoi edhe librin e saj kushtuar familjes mbretërore.
“Ishte aq e vërtetë. Në çdo veprim të sajin ajo është unike, fëmijët e adhuruan që në takimin e parë”, thotë ajo.
Por, fëmijët e kopshtit “Princi i Lumtur” nuk shkuan duarbosh. Ata me vete kishin dhuratat e tyre modeste të bëra me aq shumë dashuri. Elia këto dhurata i vendosi në pemën e shtëpisë, duke treguar një shenjë të madhe mirënjohje për vizitorët e vegjël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
