Presidenti i Filipineve, Rodrigo Duterte ka vlerësuar përpjekjet e Rusisë për të zhvilluar një vaksinë “falas” COVID-19. Për të lehtësuar frikën, Duterte tha se ai do të ofrohet i pari për eksperiment dhe pas tij do të shpërndahet tek e gjithë popullata.
Presidenti i Filipineve Rodrigo Duterte konfirmoi se ka pranuar ofertën e Presidentit rus Vladimir Putin për të siguruar një vaksinë ruse COVID-19 kur ajo të vihet në dispozicion dhe tha se ai është i gatshëm të marrë pjesë në provat e para. ‘’Kur vaksina të vijë, unë do ta injektoj atë publikisht. Eksperimentoni me mua në fillim. Nëse funksionon tek unë, do të funksionojë për të gjithë’’- u shpreh ai.
Zyra e Duterte të martën tha se Filipinet janë të gatshëm të bashkëpunojnë me Moskën në provat e vaksinave, furnizimin dhe prodhimin. ‘’Filipinet janë të gatshëm të punojnë me Rusinë në provat klinike, furnizimin, prodhimin e vaksinave dhe fusha të tjera që konsiderohen të zbatueshme nga agjencitë përkatëse Filipine dhe Ruse për të ndihmuar në këtë emergjencë globale shëndetësore’’- thuhet në deklaratë.
Rusia ka regjistruar zyrtarisht vaksinën kundër koronavirusit të krijuar nga Instituti Gamaleya me seli në Moskë. Duke folur në një telekonferencë me ministrat e kabinetit të tij, presidenti Vladimir Putin tha se vaksina i kishte kaluar të gjitha kontrollet e nevojshme. “Mesa di unë, vaksina e parë kundër koronavirusit në botë u krijua sot në mëngjes. Unë e di se është efektive, që krijon imunitet të qëndrueshëm dhe që ka kaluar të gjitha kontrollet e nevojshme. Vaksina stimuloi një nivel të lartë antitrupash tek të gjithë vullnetarët dhe tek asnjëri prej tyre nuk kishte komplikime serioze. Një prej dy vajzave të mia e përdori vaksinën”, tha presidenti rus.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
