Portretet dhe “selfie-t” e krijuar nga Inteligjenca Artificiale po "pushtojnë" internetin - Business Magazine Albania

Portretet dhe “selfie-t” e krijuar nga Inteligjenca Artificiale po “pushtojnë” internetin

Këtë javë, miliona njerëz u ndeshën ballë për ballë me versionet e tyre të krijuara nga Inteligjenca Artificiale falë aplikacionit “Lensa”, i cili përdor mësimin e makinerive për të nxjerrë ilustrime bazuar në fotot që ofroni. Njerëzit erdhën në mediat sociale për të reflektuar sesi portretet i bënin ata të ndiheshin – dhe kush mund të humbasë kur arti i Inteligjencës Artificiale bëhet i përhapur.

“Unë mendoj se kam një imazh mjaft të mirë për veten, por i shikova imazhet dhe mendova, ‘Pse dukem kaq mirë?”, tha James, një transmetues në platformën “Twitch”, “Mendoj se ka perfeksionuar shumë nga gjërat që urrej tek fytyra ime.”

“Lensa”, një aplikacion për redaktimin e fotografive dhe videove nga “Prisma Labs”, ka ekzistuar që nga viti 2018, por shkarkimet e tij në mbarë botën u rritën në qiell pas lançimit të funksionit të tij “avatarët magjik” në fund të nëntorit, sipas firmës analitike Sensor Tower.

Lexo edhe: Rreziqet e mundshme që vijnë me Inteligjencën Artificiale

Aplikacioni pa 4 milionë instalime në pesë ditët e para të dhjetorit krahasuar me 2 milionë në nëntor, duke u ngjitur në krye të listave në dyqanet e aplikacioneve Apple dhe Google. Konsumatorët shpenzuan 8.2 milionë dollarë në aplikacion gjatë asaj periudhe pesë-ditore, raporton Sensor Towers.

Aplikacioni bazohet në abonim dhe kushton 35,99 dollarë në vit, me një tarifë shtesë prej 3 deri në 12 dollarë për paketat e avatarëve.

Aplikacioni funksionon në mënyrë të tillë. Ju ngarkoni tetë deri në dhjetë foto personale me fytyrën që mbush pjesën më të madhe të kornizës dhe askush tjetër në foto, dhe Lensa do t’i përdorë fotot për të trajnuar një model të mësimit të makinës. Më pas, modeli gjeneron imazhe të bazuara në fytyrën tuaj në stile të ndryshme artistike si “anime” ose “princeshë zanash”.

Disa njerëz u mrekulluan se sa të bukura apo të sakta dukeshin portretet. Të tjerë shpërndanë imazhe të ngatërruara me tipare të shtrembëruara të fytyrës ose gjymtyrë që dalin nga kokat e tyre, një rezultat për të cilin aplikacioni Lensa ju paralajmëron gjatë procesit të ngarkimit të fotove.

Trendi ngriti gjithashtu shqetësime për barazinë e imazheve të krijuara nga Inteligjenca Artificiale , efektet mbi artistët profesionistë dhe rrezikun e shfrytëzimit seksual.

Aplikacioni ka hapur shumë debate në internet. Mbi të drejtat e punës së artistëve digjitalë, mbi nuditetin që mund të gjenerohet nga aplikacioni dhe mbi faktin se sa i rrezikshëm mund të jetë përdorimi i Inteligjencës Artificiale në kushtet kur portretet e krijuara janë identikë shpeshherë me ndërveprimin e njerëzve realë./ The Washington Post

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0