E pra, kush do ta kishte menduar që pika e vogla të shiut do të kishin kaq shumë fuqi? Jo, nuk bëhet fjalë për hidrocentrale gjigante apo valë deti të furishme. Këtë herë, shkencëtarët nga Universiteti Kombëtar i Singaporit kanë zbuluar një mënyrë krejtësisht të re për të prodhuar energji nga… shiu! Dhe po flasim për ndriçim real, 12 llamba LED u ndezën vetëm nga fuqia e pikave të shiut!
Kjo metodë e re përdor tuba të hollë, vetëm 2 mm në diametër, dhe një gjilpërë metalike që lëshon pikat e shiut një e nga një. Pikat bien në një tub përçues elektrik, krijojnë një lloj rrjedhjeje që quhet plug flow (ku ka hapësira ajri mes pikave), dhe pikërisht aty ndodh magjia! Uji dhe ajri që lëvizin në këtë mënyrë krijojnë ndarje chargesh elektrike, që më pas mblidhen përmes kabllove në një kupë mbledhëse.
Ky sistem doli të jetë pesë herë më efikas se rrjedhjet e zakonshme të ujit. Dhe me vetëm dy tuba të tillë, studiuesit arritën të furnizojnë 12 LED për 20 sekonda. Zbulimi mendohet se ka potencial të madh për çatitë urbane dhe vende të vogla që duan pak energji të pastër. Testimet u bënë me pika më të rralla se reshjet reale, çka nënkupton se në kushte natyrale, kjo gjë mund të jetë akoma më e fuqishme!
Burimi: New Atlas/ Përshtati: Businessmag.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
