Pezullohen lejet mjedisore, drejt falimentit mbi 100 kompani riciklimi

Pezullohen lejet mjedisore, drejt falimentit mbi 100 kompani riciklimi


Mbi 100 biznese private në industrinë e riciklimit janë me aktivite të pezulluara. Ministria e Mjedisit, pas një kërkese të Bashkisë së Tiranës ka pezulluar në masë lejet mjedisore duke paralizuar kështu të gjithë zinxhirin e grumbullimit, përpunimit të mbetjeve dhe prodhimit të lëndëve të para të ricikluara.

Në një takim të zhvilluar në Tiranë, sipërmarrësit theksuan se, “masat administrative kanë qenë arbitrare dhe të jashtëligjshme. Kontrollet në masë nga Hetimi Tatimor, Policia Bashkiake dhe Inspektoriati i Mjedisit, janë shoqëruar me pezullim të lejeve mjedisore. Kjo ka bërë që i gjithë sektori të paralizohet”.

Vullnet Haka, një prej drejtuesve të Shoqatës së Ricikluesve, ka theksuar se njoftimi i pezullimit në këto kompani ka ardhur pa një akt konstatimi më parë.

Një pjesë e mirë e kompanive vlerësohet të kenë nisur procedurat ligjore në Gjykatën Administrative, por ata theksojnë se po u bëhen dëme të pa rekuperueshme në biznes. Ilias Mehmeti, një prej sipërmarrësve, tregon se leja i është pezulluar edhe pse më parë Gjykata Administrative i ka dhënë të drejtë, dhe ka ngarkuar me përgjegjësi ligjore institucionet publike, për shkelje të procedurave në kontrolle dhe vendimmarrje për ndërprerjen e aktivitetit. Dëmi që instancat publike duhet t’i paguajnë kësaj kompanie sipas Gjykatës Administrative arrijnë në 12 milionë lekë.

Arben Rezuli, përpunues i metaleve prej më shumë se 20 vitesh në treg, furnizon më lëndë të parë material alumini, kompani automobilistike në Europë. Ai thotë se biznesi i tij po rrënohet, ndërsa mijëra familje në Tiranë me të ardhura të ulëta, bëhen subjekt i nevojës për ndihmë ekonomike”. Resuli shprehet se, “Bashkia e Tiranës nuk do të mund të arrijë ta pastrojë Tiranën me një kompani të vetme”.

Kompanitë e riciklimit prej pesë vitesh, operojnë me kapacitet të reduktuar pasi, me ligj u është ndaluar të importojnë lëndë të parë dytësore.

Në vend vlerësohet të oprojnë mbi 200 fabrika e punishte riciklimi, me vlerë totale investimi në makineri prej 250 milionë euro. Sot, pjesa më e madhe e qeseve plastike, letrave e kartonit ambalazh, realizohen në vend.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0