Bashkëthemeluesi i Facebook Chris Hughes ka hapur një raund të ri analizash te New York Times duke bërë thirrje për shkatërrimin e rrjetit social të Zuckerbergut.
Është një ese gjithëpërfshirëse që rekomandon një zgjidhje të thjeshtë për ta adresuar monopolin e Facebook-ut: ndarjen e Facebook-ut, Instagram-it dhe WhatsApp-it në tre pjesë. Por, kjo nuk është vetëm një polemikë e korporatave.
Nga 6,500 fjalë kritikash të hartuara me kujdes nga Hughes, janë edhe një apo dy anekdota rreth ditëve të hershme të Facebook-ut, gjatë së cilës Hughes dhe Zuckerberg sapo kishin filluar të ndërtonin një biznes që do të tërhiqte 2 miliardë përdorues.
Në një tregim, Hughes tha se investitori i hershëm i Facebook-ut Peter Thiel i bleu Zuckerberg-ut një makinë. Ishte viti 2005 dhe Zuckerberg po ngiste një Jeep që ‘nuk dukej se punonte në rregull’, rreth zonës së Gjirit të San Franciskos, kështu që Thieli i dhuroi atij një Infiniti SUV.
Hughes përshkroi me hollësi një bisedë që kishte bërë një mbrëmje me Zuckerberg, i cili ishte para timonit të automjetit të tij të ri. Ja se çfarë shkroi Hughes në The New York Times:
Një natë gjatë verës së vitit të shitjes së kompanisë Myspace, më kujtohet se isha duke vozitur për në shtëpi me Markun, përsëri në shtëpinë ku e kemi ndarë me disa inxhinierë dhe dizajner të tjerë… Ndërsa u kthyem drejt Valparaiso Avenue, Marku rrëfeu presionin e madh që ndiente. “Tani që ne punësojmë kaq shumë njerëz …” tha ai, duke u larguar. “Ne thjesht nuk duhet të dështojmë.”
Facebooku ishte rritur nga një projekt i zhvilluar në dhomën tonë të fjetjes në një kompani serioze me avokatë dhe me një departament të burimeve njerëzore. Kishte rreth 50 punonjës dhe familjet e tyre mbështeteshin tek Facebook për të siguruar jetesën. Pashë nga dritarja dhe mendova: Nuk do të mbarojë kurrë. Sa më shumë që të rritemi, aq më shumë do të duhet të punojmë.
Hughes duket se sugjeron se ishte ky momenti që ndoshta e ndezi dëshirën e pamëshirshme dhe nganjëherë fëminore të Zuckerberg për t’u rritur vazhdimisht.
Facebook tani ka 38,000 punonjës me të ardhura vjetore 56 miliardë dollarë dhe vlerësohet më shumë se gjysmë trilion dollarë. Por, Hughes tha se 2018-a ishte viti “annus horribilis” i kompanisë. Një vit me shumë polemika dhe skandale, siç është rasti i skandalit të të dhënave të Cambridge Analytica.
Sikurse Jeep-i i vjetër i Zuckerberg, Hughes tha se është koha për një restaurim në Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English