Përurohet linja e parë ajrore low cost, Tiranë-Budapest - Business Magazine Albania

Përurohet linja e parë ajrore low cost, Tiranë-Budapest


Ministri i Transportit dhe Infrastrukturës, Sokol Dervishaj bashkë me Ministrin Hungarez të shtetit për Politikat e Transportit Robert Homolya, ishin në bordin e avionit të parë të linjës Budapest-Tiranë.

Duke folur për mediat, Ministri Dervishaj tha se ky është një premtim i mbajtur nga Ministria e Transportit, për të sjellë një kompani të njohur ndërkombëtare me çmime të lira për shqiptarët.

”Sikurse dhe kishim premtuar dhe së fundmi edhe realizuar, ky ishte fluturimi i parë i kompanisë Wizzair në Tiranë, e para kompani low cost që vjen dhe fillon fluturimet në Shqipëri. Kjo ka ardhur falë një bashkëpunimi të ngushtë me autoritetet hungareze, veçanërisht me Ministrinë e Zhvillimit Kombëtar, por edhe autoriteteve të aviacionit civil, arritëm në një marrëveshje për fillimin e udhëtimeve, me një linjë të ndërprerë prej shumë kohësh me Malevin.

Prej 5 vitesh nuk kishte fluturime direkte mes Shqipërisë dhe Hungarisë, por tashmë e kemi falë këtij bashkëpunimi. Sot shënohet vetëm fluturimi i parë, por me kalimin e kohës mund të ketë shtim oraresh, shtim të fluturimeve, padyshim edhe shtimin e destinacioneve, për ta kthyer Shqipërinë si një bazë të qëndrueshme të fluturimeve të Wizzair, jo vetëm në linjën Tiranë-Budapest por edhe në linja të tjera. Dua të falenderoj Qeverinë Hungareze për mbështetjen financiare me subvencionimin që i bën Wizzair, për të kryer fluturimin në Tiranë por edhe në vende të tjera, sikurse është Kosova, Mali i Zi, Bosnja apo edhe Maqedonia.

Kjo është një ndihmë e madhe për t’iu ofruar qytetarëve tanë fluturime cilësore, më të lira dhe sa më shumë destinacione. Fluturimi i sotëm është një ogur i mirë. Është një fillim i mirë, në këtë drejtim, duke ju referuar edhe ankesave të shumta të qytetarëve shqiptarë, me të drejtë, për çmimet e larta të biletave. Besoj se ky është një investim, një shërbim në funksion të pasagjerëve shqiptar, por padyshim në funksion edhe të imazhit të vendit. Sa më shumë kompani të fluturojnë në Shqipëri, aq më shumë rritet dhe promovohet imazhi i vendit. Ata që do të na gjykojmë me tepër do të jenë qytetarët dhe pasagjerët shqiptar, por edhe pasagjerët e tjerë që do të udhëtojnë nëpërmjet kësaj linje”.

Ministri i shtetit Hungarez për Politikat e Transportit Robert Homolya tha fillimi i fluturimeve do t’i japë zhvillim turizmit dhe ekonomisë mes 2 vendeve.

“Unë mendoj se është një moment i madh në jetën e dy vendeve. Ne duam të zhvillojmë turizmin dhe tregtinë mes 2 vendeve dhe jam i sigurt se ky është një hap i madh. Qeveria e Hungarisë, ka bërë 1 vit negociata me Bashkimin Europian, për të bërë të mundur që buxheti i shtetit të kontribuojë për këtë linjë, në Shqipëri dhe rajon. Kështu që le ta gëzojmë”.

Më herët në Budapest u zhvillua dhe ceremonia me të pranishëm Ministra dhe zyrtarë nga vendet e Ballkanit Perëndimor, ku kompania Wizzair ka filluar operimin.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0