A jeni duke ëndërruar për punën që ju pëlqen, një punë me qëllim, ndoshta edhe për fillimin e biznesit tuaj? Studimi i “The State of the American Workplace” tregon se 51 % e punonjësve janë duke kërkuar në mënyrë aktive për një punë të re ose në kërkim të hapjeve të reja të pozicioneve vakante. Ju e detyroni veten të çoheni nga shtrati çdo mëngjes. Jeni të stresuar vetëm duke menduar për të gjitha detyrat dhe projektet e ditës, dhe jeni të zhytur në mendime negative për menaxherin dhe kolegët tuaj. Të punuarit në një korporatë mbase të bën të ndihesh jo në përputhje me ty, dhe gjithçka që dëshiron është të gjesh një arsye të mirë për ta lënë. Jeni në një spirale në rënie, të dëshpëruar për ndryshim dhe zbuloni më shumë dobësi të punës tuaj çdo ditë. Vendosja e vetes në vendin e shoferit dhe rimarrja e kontrollit është një nga vendimet më të rëndësishme që mund të merrni. Pra ju nuk keni nevojë të lini punën tuaj aktuale menjëherë pa reflektuar thellësisht me veten. Përpara se të hiqni dorë nga gjithçka dhe të largoheni, ka gjëra që mund të bëni për të mos u zhytur në një jetë profesionale dhe personale zhgënjyese. Pohimet mund t’ju ndihmojnë të ktheni mendimin tuaj, t’ju ndihmojnë të shihni mundësitë, të jeni më produktiv dhe të qëndroni të motivuar. Ato ju japin më shumë zgjedhje.
Që kur keni qenë i vogël, njerëzit përreth jush kanë ndikuar në mënyrën se si e shihni botën. Prindërit dhe mësuesit, miqtë dhe bashkëpunëtorët tuaj ju mësojnë se si funksionon bota, nga këndvështrimi i tyre. Në çdo situatë që përjetoni, ju merrni vendime të pavetëdijshme se si janë gjërat – vendime që konfirmohen nga përvojat e ardhshme, sepse kjo është ajo që ju prisni, kjo është ajo në të cilën është fokusuar mendja juaj. Çelësi për të ndryshuar mënyrën se si e perceptoni një situatë është të ndryshoni mendimet tuaja për të, të bëheni të vetëdijshëm për atë që po ndodh në mendjen tuaj pikërisht në momentin që ndiheni të tmerrshëm dhe jashtë kontrollit. Mendimet tuaja janë të lidhura me emocionet, të cilat ju bëjnë të reagoni ndaj situatës në një mënyrë të caktuar. Dhe këto veprime krijojnë përvojën tuaj, realitetin tuaj subjektiv që ju e perceptoni si të vërtetë. Pohimet ndryshojnë mënyrën se si mendoni; ata ritrajnojnë trurin tuaj për ta parë botën ndryshe, në një mënyrë që ju zgjidhni ta përjetoni jetën.
1. Bëhuni të vetëdijshëm për mendimet tuaja negative.
Mendimet negative mund të motivojnë për një kohë të shkurtër përmes frikës, por ato nuk ju bëjnë të lëvizni në një drejtim pozitiv. Të kuptuarit se çfarë e shkakton mendimin tuaj negativ, cilët njerëz dhe situata e nxisin atë, sjell ndërgjegjësimin për problemin.
2. Dyshoni sistemin tuaj aktual të besimit.
Pasi të keni kuptuar qartë se cili është problemi, mendja duhet të riprogramohet, që thjesht do të thotë të vini në dyshim perspektivën tuaj aktuale për punën tuaj, duke dyshuar se ka vetëm një mënyrë për ta parë atë. Ndërgjegjësimi për të gjitha gjërat pozitive që bën për ju, mundësitë që sjell dhe marrëdhëniet e mahnitshme që mund të keni fituar gjatë viteve, ju vendos në një vend mirënjohjeje dhe mundësie.
Lexo edhe: 5 mënyra sesi të kaloni një fundjavë produktive dhe të ktheheni me energji në punë
3. Ndërtoni ura mendimi.
Pasi të keni shkëputur një mendim nga një emocion negativ, duhet të ndërtoni ura mendimi për ta bërë më të lehtë për mendjen tuaj t’ju besojë. Ndërtimi i urave të mendimit përfaqëson një proces hap pas hapi të ushqyerjes së mendjes tuaj me mendime pozitive, dhe ju dëshironi të jeni të butë dhe të kuptueshëm, të vetëdijshëm se mendja juaj dëshiron vetëm t’ju mbajë të sigurt.
T’i thuash vetes se kompania jote është vendi më i mirë për të punuar tani, kur mendja jote është e traumatizuar dhe e tmerruar nga përditshmëria, duket si një gënjeshtër, por urat e mendimit ndërtojnë hendekun midis dy mendimeve shumë të kundërta. Ata e çojnë mendjen nga ‘Kjo punë është e tmerrshme’ në ‘A është kjo në të vërtetë e tmerrshme?’. ‘Nuk është shumë keq kur mendoj…’ ‘ajo që më pëlqen në të është… ‘ derisa më në fund mendja të besojë se puna që bëni ju hap shumë dyer.
Pavarësisht nëse vendosni të qëndroni në punën tuaj aktuale, të vazhdoni të punoni me një qëndrim të rifreskuar dhe energji të rinovuar, ose nëse vendosni të bëni hapin dhe të largoheni për një mundësi të re, pohimet ju ndihmojnë të kaloni në një fazë pozitive të karrierës suaj, dhe madje edhe të vetë jetës tuaj. Duke zotëruar mendjen tuaj, ju rimerrni kontrollin.
Jini të vetëdijshëm për lirinë që keni në zgjedhjen e realitetit tuaj. Dhe sapo të ndryshoni mënyrën se si mendoni, gjithçka rreth jush do të ndryshojë gjithashtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
