Përmirësoni shkathtësinë tuaj menaxheriale me trajnimin e Denis Gafurrit - Business Magazine Albania

Përmirësoni shkathtësinë tuaj menaxheriale me trajnimin e Denis Gafurrit

Denis Gafurri

Aftësitë e lidershipit mund të luajnë një rol të madh në zhvillimin e karrierës së një personi. Për të qenë një udhëheqës efektiv do t’ju nevojiten aftësi të buta: aftësia për të qenë një dëgjues dhe komunikues i mirë. Ju duhet të sfidoni vazhdimisht veten për të përmirësuar aftësitë tuaja drejtuese. Shumica prej nesh duhet të mësojnë, të zhvillohen dhe të përmirësohen se si të jenë një udhëheqës i mirë. Zhvillimi i lidershipit përfshin identifikimin dhe zotërimin e aftësive dhe karakteristikave kryesore që kërkohen për t’u bërë një udhëheqës i suksesshëm. Aftësitë e lidershipit dhe shitjes konsiderohen si tipare kritike të nevojshme për të arritur në majat e çdo fushe karriere. Motivoni dhe ndikoni pozitivisht tek të tjerët, inkurajoni dhe fuqizojini ata dhe bëhuni personi i tyre mbështetës.

Udhëheqësit zakonisht hezitojnë të japin komplimente për punën e kryer mirë të punonjësve, duke menduar se do të lazdrohen, mos të mendojnë që janë të pazëvendësueshëm, mos kërkojnë ekstra pagesë…etj. Unë mendoj se puna e kryer mirë duhet të lavdrohet posaçërisht pranë anëtarëve tjerë të skuadrës që ta bëjë të ndihet i vlerësuar dhe mund ti shtohet një koment si psh:

“Kjo është ajo çka pres nga ti.”

“ E dija që mund të llogaris në ty, dhe se ti je i aftë për ta kryer këtë punë si duhet” apo

“ Ketë e bërë shumë mirë dhe pritjet e mia janë që ti mund të bësh edhe më mirë”… Shpeshëherë një mirënjohje verbale vlen më shumë se ekstra pagesa, thjeshtë me një fjalë e bënë të ndihet mire, të ndjehet i vlerësuar për kontributin e dhënë për kompaninë, e cila kushton 0€.

Mos jini të vetëkënaqur. Dilni nga zona juaj e rehatisë dhe sfidoni veten për t’u përmirësuar. Të mësosh më shumë dhe të marrësh më shumë përgjegjësi përfundimisht do t’ju ndihmojë të merrni një rol udhëheqës në vendin tuaj të punës. Një nga aftësitë më të rëndësishme të komunikimit për një udhëheqës është të dëgjuarit. Pa aftësi dëgjimi, nuk jeni në gjendje të merrni reagime nga të tjerët dhe të kuptoni se çfarë pëlqejnë anëtarët e ekipit në lidhje me projektet në të cilat punojnë. Reagimi është kyç. Për të dëgjuar në mënyrë efektive, duhet të ruani kontaktin me sy, të shmangni shpërqendrimet dhe të përgjigjeni siç duhet. Mbani në mend se komunikimi nuk ka të bëjë vetëm me komunikimin verbal. Jini të vetëdijshëm për gjuhën e trupit dhe gjestet për të përcaktuar se çfarë thonë njerëzit në të vërtetë.

Një udhëheqës i vërtetë duhet të ndikojë pozitivisht te njerëzit. Kur punonjësit ose kolegët humbasin ambiciet dhe pasionet e tyre, një udhëheqës i vërtetë mund t’i japë energji dhe t’i motivojë ata. Krijimi i një mjedisi pozitiv pune është gjithashtu një faktor kryesor motivues. Vendosni shpërblime pozitive për arritjen e standardeve. Kërkohet disiplinë për të realizuar qëllimin. Për të qenë një udhëheqës i mirë, duhet të jeni të vetëdisiplinuar dhe të siguroheni që të tjerët në ekipin tuaj të jenë të disiplinuar.

“Udhëheqja dhe të mësuarit janë të domosdoshme për njëra-tjetrën,” tha John F. Kennedy.1 Kur gjërat po ndryshojnë me shpejtësi, është e rëndësishme të mësoni vazhdimisht dhe të sfidoni veten.

Drejtuesit duhet të jenë të sinqertë dhe të drejtpërdrejtë. Kjo kërkon shumë guxim. Udhëheqësit duhet të mësojnë të njohin vlerën e anëtarëve të ekipit, të mësojnë prej tyre dhe të inkurajojnë anëtarët e tjerë të ekipit që të mësojnë prej tyre. Mësoni gjëra që nuk i dinit nga një person i specializuar në një fushë të caktuar. Nëse një punonjës ka një ide të re, inkurajojeni atë dhe shikoni se ku shkon. Bëhu një nga fansat e tyre më të mëdhenj.

Oferta me zbritje vlen vetem edhe 3 dite për trajnimin:

P O W E R  S A L E S  S K I L L S

Kursi Një Mujor me 8 ditë trajnimi.

Oferta vlen vetëm për njerëzit që kanë për qëllim arritjen e suskesit dhe energji të jashtëzakonshme pozitive.

28-04-2022 deri me 01.05.2022

Apliko në: 049 893 693 [email protected]

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0