Përmbyllet nisma Huawei4HER - Business Magazine Albania

Përmbyllet nisma Huawei4HER

Seria e trajnimeve Cyb4HER të realizuara në bashkëpunim me Dhomën Ekonomike të Gruas kanë qenë aktivitetet e fundit që janë realizuar në kuadër të nismës Huawei4HER. Këto aktivitete kanë nisur nga Huawei në partneritet me Women4Cyber Albania, me qëllim informimin e të rinjve dhe përfaqësuesve në nivel drejtues mbi rreziqet kibernetike dhe nevojat e sigurimit të informacionit. Tema kryesore e kësaj nisme ishte “Higjiena Kibernetike”.

Huawei

Në datat 8-12 nëntor u organizua seria e trajnimeve #CybHER me pjesëmarrjen e katër ekspertëve të fushës dhe rreth 55 pjesëmarrësve të interesuar çdo ditë. Gjatë aktivitetit pjesëmarrësit u njohën me disa tema të rëndësishme si: trendet e kërcënimeve dhe sigurisë kibernetike në ekosistemin kibernetik, siguria dhe privatësia, rëndësia e mbrojtjes së të dhënave personale dhe pasojat e krimeve kibernetike ndaj sigurisë kombëtare. Në përfundim të aktivitetit, pjesëmarrësit u pajisën me certifikata pjesëmarrje dhe fituan të drejtën për ndjekjen e katër trajnimeve ndërkombëtare të sigurisë kibernetike nga Women4Cyber Albania.

Duke parë se siguria ndaj sulmeve kibernetike çdo ditë e më shumë po bëhet më sfiduese për t’u menaxhuar, edhe Dhoma Ekonomike e Gruas i është bashkuar nismës Huawei4HER. Të pranishëm në aktivitet ishin drejtoresha ekzekutive e Dhomës Ekonomike të Gruas Znj. Klodiana Ajazi si dhe përfaqësues të bizneseve në nivel drejtues. Znj. Ajazi theksoi rëndësinë e organizimit të trajnimeve mbi rreziqet kibernetike në një kohë kur proceset e biznesit po automatizohen gjithmonë e më shumë. Ndërsa njëra prej pjesëmarrëseve u shpreh: “Ky trajnim erdhi në momentin e duhur, sepse punonjësit në organizatën që unë drejtoj duhet të kenë njohuri të konsoliduara për sigurinë e pajisjeve dhe të rrjetit. Të gjitha këshillat që mora sot do t’ia transmetoj stafit dhe do t’i aplikoj në organizatë.”

Aktivitetet e realizuara gjatë Muajit Evropian të Sigurisë Kibernetike kanë qenë të shumtë në numër. Ndër to mund të përmendim trajnimet e realizuara pranë gjimnazit “Çajupi” dhe gjimnazit “Eqrem Çabej”.

Huawei në Shqipëri operon prej vitit 2008 duke sjellë fjalën e fundit të teknologjisë digjitale për konsumatorët, bizneset dhe institucionet. Si një prej gjigantëve të teknologjisë botërore, kompania ka ndërmarrë në vazhdimësi nisma lidhur me përdorimin e sigurt të teknologjisë digjitale apo edhe ofrimin e zgjidhjeve novatore e të sigurta. Huawei do të vazhdojë të nxisë nisma të tilla edhe në vazhdim.

Për të më mësuar më tepër rreth këtyre aktiviteteve, ju ftojmë të ndiqni faqet e mëposhtme në rrjetet sociale përkatëse.

Instagram: https://www.instagram.com/women4cyber_albania/

Linkedin: https://www.linkedin.com/company/women4cyber-albania/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0