Programi i parë i akselerimit për forcimin e sipërmarrjes përmes mbrojtjes së Pronësisë Intelektuale, IP4Startups, u përmbyll me sukses!
Në një mbrëmje të veçantë, për shkak të pjesëmarrjes së nivelit të lartë teknik dhe përfaqësuesve të drejtorive të inovacionit dhe startup-eve, u mbajt edhe ceremonia e certifikimit të 10 startup-eve fituese , të cilat për dy muaj radhazi iu nënshtruan trajnimeve intensive mbi Pronësinë Industriale.
Në fjalët përshëndetëse të znj. Maria Solis Kapedani, Drejtoreshë e Drejtorisë së Përgjithshme të Pronësisë Industriale, znj. Olga Allemann, Menaxhere Projekti në Institutin Federal Zviceran për Pronësinë Intelektuale, dhe z. Kushtrim Shala, Menaxher Projekti i IP4Startups, u theksua rëndësia e programit IP4Startups dhe kontributi i vlefshëm i ekspertëve në këtë program.
Lexo edhe:IP4Startups – Programi që do të fuqizojë sipërmarrjet e reja nëpërmjet Mbrojtjes së Pronësisë Intelektuale
Aktiviteti u nderua me pjesëmarrjen dhe fjalimet e znj. Ledi Imeraj, Drejtoreshë e Përgjithshme e Agjencisë për Inovacion dhe Ekselencë, z. Arjan Ymeri, Drejtor i Përgjithshëm i Agjencisë së Startupeve, si dhe Shkëlqesisë së Saj, znj. Ruth Huber, Ambasadore e Zvicrës në Shqipëri .
Falë bashkëpunimit me Drejtorinë e Përgjithshme të Pronësisë Industriale (DPPI) dhe mbështetjen nga Projekti Shqiptaro-Zviceran për Pronësinë Intelektuale (ALSIP), startup-et përfituan nga mentorimi intensiv dhe workshop-et mbi pronësinë intelektuale dhe ndërtimin e strategjive të qëndrueshme për rritje. Suksese të mëtejshme startupeve Cyber Morfosis, T-Blocks, Doll’App, Pronar.al, Frymëmarrje, Auttom, Zeevou, UNO Robotics, Komuniteti, dhe Beach Master!
Ky program u zbatua nga Drejtoria e Përgjithshme e Pronësisë Industriale (DPPI) me mbështetjen e Projektit Shqiptaro-Zviceran për Pronësinë Intelektuale (ALSIP).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English