Një përditësim i ri i është bërë Google Maps, i cili duket se është pritur jo mirë nga përdoruesit dhe jo vetëm.
Rrugët tani janë gri në vend të të verdhës dhe trupat e ujit janë ngjyrë kafe në vend të një blu më të thellë.
“Ndihet më e ftohtë, më pak e saktë dhe më pak njerëzore,” shkruajti ish-dizenjuesja e Google Maps Elisabeth Jaraki në X .
Laraki nuk ishte vetëm, pasi dhe përdorues të tjerë shkuan në X dhe Reddit për të shprehur zhgënjimin e tyre me ngjyrat e reja. Disa ishin dakord me qëndrimin e Larakit, ndërsa të tjerë ishin të mërzitur që nuk kishte kontrast të mjaftueshëm mes ngjyrave të reja.
Ndërkohë Google u shpreh se:
“Ne gjithmonë mendojmë se si ta bëjmë Google Maps të pasqyrojë më saktë botën reale. Ne projektuam përditësimet tona bazuar në kërkime të gjera dhe komente nga përdoruesit, me qëllim që ta bëjmë hartën më të lehtë për t’u përdorur dhe kuptuar. Për shembull, rrugët tani janë më të errëta për t’u dukur më shumë si rrugët aktuale dhe për të ofruar një imazh më të mirë për detaje të dobishme si korsitë”, tha një zëdhënës i Google në një email.
Google Maps ka dalë me një sërë përditësimesh të reja gjatë muajit të fundit, duke përfshirë mënyra të reja për të gjetur gjëra për të bërë dhe për të përdorur emoji, megjithatë asnjëra nuk ka marrë aq shumë vëmendje sa ngjyrat e reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
