Për të shpëtuar planetin, Hilton po riciklon sapunët e hoteleve të tij


Ditën e Hënë kompania ka njoftuar se do të mbledhë sapunët e përdorur nga dhomat e klientëve në çdo hotel dhe do t’i riciklojë në sapunë të rinj deri më datë 15 Tetor, që shënon dhe Ditën Botërore të Larjes së Duarve.  

Projekti është në bashkëpunim me Clean the World, një organizatë që mundëson sapun për komunitetet në nevojë. Hilton tha se do të grumbullojë sapunë nga hotele të ndryshme përfshirë Embassy Suites, Hilton Garden Inn, Hampton, Homewood Suites dhe Home2 Suites. Sipas kompanisë, sapuni i përdorur do të thyhet, pastrohet dhe do të pritet në copa të reja sapuni.

Lexoni: Menaxheri i Përgjithshëm i Hilton: “Skuadra bën diferencën në kompani”

Hilton ka ndërmarrë disa iniciativa të ngjashme dhe në të shkuarën. Zinxhiri i hoteleve ndihmon gjithashtu në riciklimin e sapunit, shisheve të shampos dhe balsamit, të cilat mund të ripërdoren për shishe udhëtimi të produkteve higjenike. Programi i riciklimit i Hilton ka ndihmuar Clean World të shpërndajë 7.6 milionë copë sapuni të ricikluar gjatë dekadës së kaluar, duke mbajtur dy milionë paund sapun dhe shishe larg landfilleve.

Bill Duncan, kreu i shërbimit në Hilton, tha se kompania është nga të parat që merr pjesë në riciklimin e sapunit.

Lexoni: Hilton hap hotelin e parë në Shqipëri

Hilton është një nga shumë kompanitë e fokusuara në riciklim. Bizneset përballen me probleme nga ndryshimi i klimës dhe konsumatorët gjithmonë e më shumë kërkojnë që produktet të jenë miqësore me mjedisin.

/CNN

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0