Për të shpëtuar planetin, Hilton po riciklon sapunët e hoteleve të tij
Përditësuar së fundmi: 19/03/2019

Për të shpëtuar planetin, Hilton po riciklon sapunët e hoteleve të tij

Share
nga Neada Muçaj
Mar 19, 2019

Ditën e Hënë kompania ka njoftuar se do të mbledhë sapunët e përdorur nga dhomat e klientëve në çdo hotel dhe do t’i riciklojë në sapunë të rinj deri më datë 15 Tetor, që shënon dhe Ditën Botërore të Larjes së Duarve.  

Projekti është në bashkëpunim me Clean the World, një organizatë që mundëson sapun për komunitetet në nevojë. Hilton tha se do të grumbullojë sapunë nga hotele të ndryshme përfshirë Embassy Suites, Hilton Garden Inn, Hampton, Homewood Suites dhe Home2 Suites. Sipas kompanisë, sapuni i përdorur do të thyhet, pastrohet dhe do të pritet në copa të reja sapuni.

Lexoni: Menaxheri i Përgjithshëm i Hilton: “Skuadra bën diferencën në kompani”

Hilton ka ndërmarrë disa iniciativa të ngjashme dhe në të shkuarën. Zinxhiri i hoteleve ndihmon gjithashtu në riciklimin e sapunit, shisheve të shampos dhe balsamit, të cilat mund të ripërdoren për shishe udhëtimi të produkteve higjenike. Programi i riciklimit i Hilton ka ndihmuar Clean World të shpërndajë 7.6 milionë copë sapuni të ricikluar gjatë dekadës së kaluar, duke mbajtur dy milionë paund sapun dhe shishe larg landfilleve.

Bill Duncan, kreu i shërbimit në Hilton, tha se kompania është nga të parat që merr pjesë në riciklimin e sapunit.

Lexoni: Hilton hap hotelin e parë në Shqipëri

Hilton është një nga shumë kompanitë e fokusuara në riciklim. Bizneset përballen me probleme nga ndryshimi i klimës dhe konsumatorët gjithmonë e më shumë kërkojnë që produktet të jenë miqësore me mjedisin.

/CNN


Evente

Rikthehet TË RINJTË FLASIN!

Korrik 31, 2019
2 PM – 5 PM