Për një botë më të mirë


Në fillim të dhjetorit, moguli i teknologjisë, Mark Zuckerberg u bë baba për herë të parë. Ai e quajti vajzën e tij Max dhe iu drejtua asaj me një letër shprese për një botë më të mirë. Duke lexuar letrën, përveç  gjeneratës së Max-it, Mark Zuckerberg ju drejtua të rinjve të sotëm si nismëtarët e këtij projekti  që do ta shndërrojë planetin ku jetojmë në një botë  ku secili prej nesh do zhvillojë potencialin e tij njerëzor. Mark Zuckerberg  deklaroi se do të investonte 99% të pasurise së tij në projekte me rëndësi për njerëzimin.

Stili i të bërit biznes nga të rinjtë e sotëm është i ndryshëm nga ai tradicional. Ata përqëndrohen më shumë të ndërtojnë një biznes ku komuniteti i tyre të përfitojë dhe të përmirësojë stilin e jetesës. Në të ardhmen nuk do të përbëjë lajm, shtimi i numrit të filantropistëve. Filantropia është kthyer tashmë në themel të bizneseve që po zhvillohen nga të rinjtë e sotëm . Ky model i ri përfaqësohet më së miri nga Mark Zuckerberg  dhe  një grup i madh të rinjsh që janë bërë miliarderë para të tridhjetave. Filozofia e re që po përhapet në botën e biznesit përmblidhet në një frazë të shkurtër të Mark Zuckerberg; “ Every good company starts with someone who cares about something, not with the decision to start a company” .

Tre janë projektet kryesore ku Mark Zuckerberg do të investojë: zhvillimi i potencialit njerëzor, edukimi i personalizuar dhe shëndetsia. Si shoqëri njerëzore ne shpenzojmë 50 herë më shumë për të trajtuar sëmundjet se sa për t’i parandaluar ato. Qëllimi është që gjeneratat e tjera të mos vuajnë nga sëmundje që shkatojnë humbje jete. Fëmijët që të zhvillohen duhet të kenë një jetë të shëndetshme.  Për të realizuar këtë  duhet të bëhen investime të rëndesishme  tani, për të marrë frutet që dëshirojmë në të ardhmen. Kjo fushë do të mbështetet financiarisht nga filantropia e familjes Zuckerberg dhe pse jo nga gjithë shoqëria njerëzore.

Edukimi është themeli i një bote që zhvillohet në mënyrë të vazhdueshme  dhe ku mbizotëron paqja. Me teknologjinë e sotme shpejtësia për të mësuar aftësi të reja është rritur ndjeshëm , por jo të gjithë njerëzit kanë mundësinë t’i përdorin këto teknologji. Më shumë se gjysma e popullsisë botërore nuk është e lidhur në internet. Facebook e ka deklaruar dhe më parë mbështetjen e saj për lidhjen e sa më shumë njerëzve me internetin. Gjithashtu zhvillimi i potencialit njerëzor është në qendër të filantropisë së Zuckerberg.

Epoka që po jetojmë është më e mira për të shprehur dhe zhvilluar potencialin tonë, por kjo do një përkujdesje të vazhdueshme nga e gjithë shoqëria. Të gjithë shpresojmë për një jetë më  të mirë, por janë vendimet që marrim sot ato që ndërtojnë të ardhmen.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale