Çmimet e domaineve .COM mund të rriten për herë të parë në 8 vite bëri të ditur ICANN. Çmimi i domaineve është ngrirë në 7.85 dollarë që prej 2012. Konsumatorët jo medoemos e shohin atë çmim sepse mund të tarifohen më tepër nga regjistruesi, ky është çmimi që regjistruesit kanë paguar për domainin.
Nën marrëveshjen e re çmimi mund të rritet deri në 13.50 dollarë në 10 vitet e ardhshme. Por, rritja e çmimeve nuk vjen nga ICANN, por nga një marrëveshje që Departamenti Amerikan i Tregtisë ka me Verisign, kompania e cila mbikëqyr domainet .COM.
Lexo: Çfarë duhet të dini rreth emrave të domain-eve?
Në një postim në blog CEO i ICANN tha se organizata nuk mund të rregullojë çmimin dhe e gjitha varet nga Departamenti Amerikan i Drejtësisë dhe Tregtisë për rregullimin e çmimit.
Verisign arriti një marrëveshje me qeverinë amerikane për të rritur çmimet në 2018-ën. Qeveria amerikane justifikohet për rritjen e çmimeve duke thënë se domainet e nivelit të lartë si .pizza apo camera dhe përdorimi i medias sociale e kanë bërë tregun e domaineve më dinamik.
Regjistruesi i domaineve NameCheap është duke bërë një tentativë të fundit për të parandaluar ndryshimet. Të Hënën u dërgoi klientëve një e-mail me titull “Help Us Avoid .COM Price Increases” duke inkurajuar lexuesit të kundërshtojnë rritjen e çmimeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
