Panairi “Future2Tech”, i organizuar nga Iceberg Exhibitions dhe Albania Tech mblodhi në Pallatin e Kongreseve 76 kompani dhe qindra ekspertë e sipërmarrës.Kompanitë pjesëmarrëse e cilësuan si një mundësi ideale për t’u prezantuar si ekspozues në panair.
Disa prej tyre theksuan se do të rikthehen edhe në edicionet e ardhshme, pasi panë një interest të jashtëzakonshëm nga bizneset.
Ne kemi zhvilluar një intervistë me Idlir Ahmati, CEO i Paysera Albania, i cili na foli më shumë rreth Paysera-s, si funksionon, çfarë e diferencon nga shërbimet e tjera të të njëjtit lloj dhe se si u gjendën në panair.
Paysera është një sistem ndërkombëtar pagesash elektronike. Kompania ofron shërbime bankare ditore, si transferta, këmbim valutor, kartë pagese etj., si dhe produkte ekskluzive si sistem biletash eventesh, pagesa me kod QR, transferta me numrin e telefonit, zgjidhje pagese për shkollat dhe zgjidhje të tjera individuale biznesi.
“Paysera vjen në këtë panair me inovacionin e bankingut virtual dhe eksperiencën europiane. Ne kemi sjellë përvojën e transfertave me 0% komision dhe në kohë reale. Konsumatorët mund të shkarkojnë aplikacionin , të regjistorohen dhe menjëherë kanë në duart e tyre një bankë online. Me paysera nuk është më nevoja e pritjes në rradha të gjata dhe pritjeve, por nga komoditeti i tyre mund të kenë një bankë në shtëpi. Kurioziteti i konsumatorit shqiptar për shërbimet e bankingut elektronik është mjaft i madh. Kjo sepse shqiptarët kanë pasur gjithmonë një spekticizëm ndaj bankingut dixhital për shkak të tarifave apo edhe për shkak se ne jemi një shoqëri e bazuar në cash.
Lexo edhe:Oferta fantastike e ALLWEB: Blini 4 bileta, përfitoni të pestën falas!
Bankat kanë bërë një punë mjaft të mirë, duke ofruar të gjitha shërbimet e bankingut elektronik dhe kjo na ka lehtësuar shumë punën, sepse sot çdo bankë ofron një aplikacion të vetin që ofron një lehtësi më të madhe ndaj produkteve, por ne jemi ata që kemi sjellë procesin e një shërbimi fillim fund në formë dixhitale.
Sot nëpërmjet Paysera çdokush mund të rimbushi me një transfertë apo edhe cash dhe në kohë reale mund të bëjë transferta në çdo bankë në të gjithë Europën.
Me anë të panaireve të këtij lloji si future2tech ne takojmë klientë potencialë, marrim feedback nga klientët ekzsitues, pra fitojmë eksperiencë në një kohë të shkurtër, për tu përgatitur më pas për një fushatë edhe më të madhe”- u shpreh z.Ahmati, për BusinessMagazine.
Intervistën e gjeni edhe në YouTube:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English