Gates është në konkurrencë vetëm me themeluesin e Amazon Jeff Bezos, i cili vlen 153.2 miliardë dollarë, sipas renditjes së njerëzve më të pasur në botë nga Forbes. Bezos do të dhuroje një pjesë të pasurisë së tij. Ai dhe gruaja e tij MacKenzie janë në procesin final të divorcit.
Lexoni: Këshilla për punësimin nga Bill Gates, Steve Jobs dhe Warren Buffett
Gates e ndërtoi pasurinë e tij përmes Microsoft, kompania e kompjuterave, të cilën ai e bashkëthemeloi me Paul Allen në vitin 1975. Pjesa më e madhe e aseteve të tij janë nga firma e investimit, Cascade, duke përfshirë aksionet në Bekshire Hathaway, konglomerati i themeluar nga miku i Gates Warren Buffett.
Një rritje në vlerën e aksioneve të tij në Microsoft këtë javë, kombinuar me performancën e investimeve të tjera të Gates, ishte mjaftueshëm për t’i çuar të ardhurat e tij në 100 miliardë dollarë në 16 Prill.
Në vitin 2010 Gates dhe Buffett bashkëthemeluan Giving Pledge, një iniciativë për të ndjekur individët me të ardhura të larta për të dhuruar të paktën gjysmën e aseteve të tyre për bamirësi, ose gjatë jetës së tyre ose pas vdekjes. Sot, afërsisht 200 njerëz janë anëtarësuar, si Elon Musk dhe bashkëthemeluesi i Airbnb Brian Chesky.
Gates ka dhuruar tashmë mbi 35 miliardë dollarë për bamirësi, përmes Fondacionit Bill dhe Melinda Gates. Fondacioni fokusohet në shëndetin publik dhe ndoshta njihet për bashkëpunimin me Rotary International për të zhdukur sëmundjen e poliomelitit.
Lexoni: Bill Gates më i lumtur tani që është 63 vjeç sesa kur ishte 25 vjeç. Ja cilat janë 4 arsyet
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
