Pas tërmetit. Duhet një plan B për të kaluar vështirësitë dhe për të rikthyer gëzimin - Business Magazine Albania

Pas tërmetit. Duhet një plan B për të kaluar vështirësitë dhe për të rikthyer gëzimin


Tragjedia ndodhi. Arben Malaj, Ish ministër i Financave, duke iu referuar librit “Plani B, Përballimi i Vështirësive, Rimëkëmbja dhe Rikthimi i Gëzimit”, thotë se, “zbutja e pasojave të saj do të jetë një luftë jo e lehtë. Ushqimi dhe strehimi janë kërkesat jetike, por zbutja e plagëve të thella dhe rikthimi në jetë normale i çdo individi dhe familje kërkon një angazhim nga të gjithë, duke filluar prej tyre, por edhe me politika shoqërore publike, të respektuara edhe nga kompanitë private”.

Sipas Malajt, kjo na shërben më shumë se kurrë dhe është më e qartë se çdo kontribut tjetër. Autorët theksojnë se me mbarimin e planit A, duhet një plan B për të përballur vështirësitë, për t’u Rimëkëmbur dhe për të Rikthyer gëzimin. Ai ndan me ne rekomandimin e dy autorëve se si duhet të sillemi me njerëzit që kanë pësuar fatkeqësi familjare.

Tre janë propozimet konkrete për institucionet publike, por edhe për kompanitë private:

(i) cdo individi t’i jepen disa ditë pushimi të pagueshme për t’u qëndruar afër familjarëve;

(ii) t’u japin ndihmë financiare – dhe

(iii) t’i lejojnë të punojnë me orar të reduktuar.

Sipas Malajt, në vendin tonë mund të ketë nevojë për më shumë masa me efekt psikologjik pozitiv si –

(iv) Ngrirja e detyrimeve të papaguara ndaj kompanive publike, por edhe bankave;

(v) Falja e një pjese të këtyre detyrimeve sidomos kamat-vonesa;

(vi) Zgjatja në kohë e çdo detyrimi për t’u paguar;

(vii) Ngrirja e masave administrative penalizuese për një periudhë kohe; (

viii) Ngrirja e penaliteteve për detyrime të papaguara për gjoba dhe kredi.

“Kjo listë mund të shtohet nga kolege me experiencë në manaxhimin e efekteve psikologjikë të krizave. E rëndësishme është që jo vetëm askush të mos ndihet i braktisur, por të ndjejë përkujdesjen shoqërore”, sipas Malajt.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0