Parku fotovoltaik në Fier, investimi më i fundit për energjinë e rinovueshme - Business Magazine Albania

Parku fotovoltaik në Fier, investimi më i fundit për energjinë e rinovueshme


Korriku është mbyllur me një kërkesë të re për një park fotovoltaik në zonën e Fierit.

Ministria e Energjisë dhe Industrisë bëri me dije se operatori që ka shprehur interes është “Hydro Valbona” sh.p.k.

Shoqëria ka aplikuar për ndërtimin e një parku fotovoltaik në Zonën në perëndim të fshatit Topojë në Fier me një sipërfaqe totale të projektit rreth 20,000 m² ku kapaciteti i instaluar do të jetë 2 MW me një vlerë investimi rreth 2.4 milionë euro.

Lexo: Rritet interesi për energji nga burime të rinovueshme, tashmë një tjetër park fotovoltaik në Shkodër

Sipas ekstraktit në Qendrën Kombëtare të Biznesit “Hydro Valbona” ka në objekt të saj prodhimin e energjisë elektrike duke shfrytëzuar burimet e energjisë të cilat gjenden në natyrë dhe janë të rinovueshme si ajo hidrike, diellore, e erës, gjeotermale, e biomasës ose biogazit si dhe energjia nga mbetjet urbane.

Kërkesat e bëra në Ministrinë e Energjisë dhe Industrisë për parqe fotovoltaike vetëm në muaj Korrik kanë qenë pesë të tilla nga të cilat një në Shkodër, tre në Fier dhe një në Elbasan që në total e çojnë vlerën e projekteve të propozuara për ndërtim në 10.7 milionë euro.

Të gjithë parqet kanë një kapacitet të instaluar më pak se 2 megavat që nuk konsiderohen si koncesione të zakonshme duke mos kaluar në procedurat që kërkohet për këtë kategori.

Aktualisht për projekte nën 2 MW si për hidrocentralet edhe për parqet fotovoltaikë miratimi mund të jepet vetëm nga Ministria e Energjisë dhe Industrisë duke lënë një periudhë konsultimi për palët e treta që shfaqin pretendime para miratimit të projektit.

Lexo: 5 kompani shqiptare bashkohen për ndërtimin e parkut fotovoltaik në Devoll

Në rastin e koncesioneve tipike është e rëndësishme që të kalohen edhe hallka të tjera shtesë mes të cilave edhe dhënia e miratimit nga Këshilli i Ministrave.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0