Nga Fatima Gorezi – Eljona Boçe Elmazi na pret me një buzëqeshje të qetë në zyrat e World Vision Albania, një hapësirë ku ndihen gjurmët e shumë historive njerëzore, sfidave dhe shpresave që kalojnë përditë nëpër duart e organizatës. Që në momentet e para, Eljona të jep ndjesinë e një lidereje që ka mësuar të dëgjojë po aq sa të flasë, një grua që i njeh nga afër pabarazitë dhe plagët sociale, por që beson fort se çdo komunitet ka brenda vetes burime që mund të rilindin. Biseda me të shpalos një udhëtim të gjatë profesional e njerëzor, nga fëmijëria e viteve ’80, pasioni për ndryshim shoqëror dhe përballja me sfidat e dekadave të fundit. Kjo intervistë është një ftesë për të parë nga brenda lidershipin e një organizate që punon aty ku sfidat janë më të mëdha; tek gratë, të rinjtë dhe komunitetet më vulnerabël.
Ju keni vite të gjata në zhvillimin social dhe drejtimin organizativ. Cilat janë momentet që e kanë shenjuar më së shumti jetën tuaj profesionale?
Unë mendoj se karriera fillon të përcaktohet herët në jetë, në momentin kur njeriu shfaq dëshirat, talentet dhe prirjet e tij. Ndonjëherë mendojmë se ajo nis me punën e parë, por në fakt nuk është kështu. Që në fëmijëri, në vitet ’80, e ndieja se doja të bëja diçka që mund të ndryshonte jetët e njerëzve, sepse vija re pabarazitë dhe ato më shqetësonin. Edhe zgjedhjen e degës së universitetit e bëra duke menduar këtë drejtim.
Më pas, gjatë rrugës profesionale, kuptova se më interesonte jo vetëm ndryshimi tek individi, por transformimi shoqëror dhe komunitar. Kjo e përcaktoi edhe rrugën që doja të ndiqja: një qasje më multidisiplinore: sociologji, psikologji, ekonomi, menaxhim biznesi dhe organizative.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
