Yjet e sportit, përfshirë Lionel Messi e Barcelonës, Neymar Jr dhe David Beckham janë ndër emrat kryesorë të një shërbimt të ri dixhital të projektuar për të sjellë historitë individuale të lojtarëve më afër tifozëve, raporton Financial Times. Një total prej 16 lojtarësh kanë nënshkruar për të ofruar përmbajtje ekskluzive prapa skenave për shërbimin e Otro.
Lexoni: Deloitte publikon listën. Ja ekipet më të pasura të futbollit!
Aplikacioni, i lançuar të Hënën, është financuar me 50 milionë dollarë nga 23 Capital, një kompani e specializuar në investime dhe financa për mediat sportive dhe sipërmarrjet argëtuese. Çelësi i projektit nuk është vetëm lidhja e lojtarëve me tifozët, por edhe me vetë sipërmarrjen: ata do të ndajnë fitimet. Aplikacioni është falas për t’u shkarkuar, por gjithashtu përmban një nivel të abonimit premium.
“Futbolli është loja më e dashur në planet, por tifozët duan një lidhje më të thellë me heronjtë e tyre. Ne donim të krijonim një platformë ku futbollistët të mund të tregonin historitë e tyre për tifozët,” tha shefi ekzekutiv i Otro, Jeremy Dale.
Aplikacioni do të përmbajë lojëra, kuize dhe përmbajtje video nga 6 qytetet më të mëdha të futbollit në Europë: Londër, Madrid, Barcelonë, Manchester, Paris dhe Mynih. Disa nga përmbajtjet video në dispozicion tani përfshijnë filma të tillë si “Tottenham dhe England playmaker Dele Alli” kombinuar futbolli dhe surfing. Të gjitha këto promovohen gjithashtu edhe nga mediat sociale të lojtarëve pjesëmarrës.
Aplikacioni është një shembull fitimprurës i fuqisë në rritje të lojtarëve pasi fama e tyre del nga performanca e klubit të tyre. Në raportin e saj të fundit, brandi mediatik Copa90 i fokusuar tek tifozët theksoi rëndësinë që kanë lojëtarët si një nga përvojat kryesore të futbollit modern: “Në shoqërinë e sotme, ku disa lojtarë kanë më shumë ndjekës sesa klubet për të cilët luajnë, fuqia e markës së lojtarëve është gjithnjë e më e dukshme për tifozët dhe reklamuesit.”
Lexoni: Historiku dhe të veçantat e markës që vesh Kombëtaren Shqiptare të Futbollit
Për më tepër, 46% e tifozëve të moshave 16-24 vjeçare në Mbretërinë e Bashkuar mbështesin një klub të dytë, me 27% të atyre që mbështesin tre ose më shumë klube, sipas hulumtimit të Copa90.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
