Kompania ka regjistruar tejkalim të planit sa i takon të ardhurave, por edhe humbjeve fizike të parashikuara. Niveli i arkëtimeve në total, si 10-mujor ka arritur në rreth 54.8 miliardë lekë ndërsa vetëm në muajin tetor rezulton të jenë arkëtuar 5.1 miliardë lekë.
Krahasuar me të njëjtën periudhë 10-mujore të vitit 2014, arkëtimet janë rritur me 42% ndërsa krahasuar me vitin 2013 kjo diferencë shkon në 71% më shumë.
Gjithashtu OSHEE konstaton se vendosmëria për të rikthyer ligjshmërinë në konsumin e energjisë elektrike po sjell ulje të forta në nivelin e humbjeve fizike në rrjet.
“Në tetor 2015, humbjet zbritën në nivelin 29.9%. Krahasuar me tetorin 2014 kemi 4.6 % më pak humbje ndërsa krahasuar me të njëjtin muaj të vitit 2013 kemi 16.1% më pak humbje”, thuhet në njoftimin e operatorit.
/Shekulli/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
