Shfaqja pësoi 20% ulje të shikueshmërisë krahasuar më vitin e kaluar, i cili pati 29.6 milionë shikues. Shfaqja me shikueshmërinë më të ulët deri më tani, ka qenë ajo e vitit 2018, e cila pati 26.5 milionë shikues.
Renditjet më të ulëta për një nga netët më të rëndësishme të argëtimit në botë, gjithsesi janë më të larta sesa renditja e shumicës së programeve televizive, por mbeten larg ideales. Vetëm 6 vite më parë, ceremonia e çmimeve Oscar pati 40 milionë shikues.
Shumë faktorë ndikuan në shikueshmërinë e ulët që nga kohëzgjatja e show-t deri tek opsionet e tjera televizive që mund të zgjidhnin shikuesit për të parë. Gjithashtu, ka ndikuar edhe fakti që disa prej pjesëmarrësve më të mëdhenj, siç ishte “Avengers: Endgame” nuk fituan asnjë çmim të madh.
Lexo këtu: Çfarë ndodhi me Netflix në mbrëmjen e Oscar
Renditjet e ulëta të Oscar po ndjekin trendin që ka ndodhur edhe me çmimet Grammy dhe Emmy, të cilat kanë pësuar ulje shikueshmërie së fundmi.
Çmimet Oscar të këtij viti e tepruan edhe me kohën, duke zgjatur 33 minuta më shumë nga koha e planifikuar. Shumë shikues ndërruan kanalin gjatë orës së fundit së shfaqjes.
“Gjatë gjysmës së kohës televizive, çmimet Oscar i ngjanin një treni që kishte dalë nga binarët”, shkruan për Variety, Caroline Framke, kritike televizive.
Përveç rënies në renditje, nata e çmimeve Oscar ishte historike për Hollywood-in falë “Parasite”, që fitoi çmimin për fotot më të mira. Trilleri i Koresë së Jugut, drejtuar nga Bong Joon Ho, është filmi i parë jo-anglisht dhe filmi i parë i Koresë së Jugut që fitoi çmimin për foton më të mirë.
Ceremonia gjithashtu përfshiu shumë numra muzikorë dhe një monolog në hapje nga Steve Martin dhe Chris Rock. Emra të mëdhenj fituan çmimet të mëdha duke përmendur Brad Pitt, i cili fitoi çmimin si aktori më i mirë suportues me rolin e tij në filmin “Once Upon a Time… In Hollywood” dhe Joaquin Phoenix fitoi çmimin si aktori më i mirë për performancën e tij në filmin “Joker”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
