Organizohet konferenca për pronësinë intelektuale nën moton: “Inovacioni përmirëson cilësinë e jetës” - Business Magazine Albania

Organizohet konferenca për pronësinë intelektuale nën moton: “Inovacioni përmirëson cilësinë e jetës”


Inovacioni përmirëson cilësinë e jetës, krijon mundësi për shpikje të reja, që nxisin punësimin dhe sjellin zhvillim dhe jo më kot është zgjedhur si moto në ditën Botërore të Pronësisë Intelektuale që festohet çdo 26 Prill. Kështu ka deklaruar Ministrja e zhvillimit Ekonomik, Turizmit, Tregtisë dhe Sipërmarrjes, në konferencën e zhvilluar ditën e djeshme, në Hotel Tirana, me temë “Inovacioni përmirëson cilësinë e jetës”, në kuadrin e Ditës Botërore të Pronësisë intelektuale.

Të pranishme në konferencë ishin dhe Ministrja e Kulturës, znj. Mirela Kumbaro Furxhi dhe Ministrja e Inovacionit dhe Administratës Publike, znj. Milena Harito.

Në fjalën e saj Ministrja Ekonomi tha se nga viti i kaluar janë bërë shumë përmirësime në legjislacionin për pronësinë intelektuale. “Tashmë është miratuar strategjia kombëtare për pronësinë intelektuale dhe janë bërë disa ndryshime në ligjin për pronësinë industriale. Përsa i përket pronësisë industriale, sipërmarrja shqiptare po ndërgjegjësohet dhe po shtohen regjistrimet e markës “Made in Albania” për shumë produkte që nga agropërpunimi, industria tekstile dhe automobile,- tha Ministrja Ekonomi.

Ministrja theksoi dhe mundësinë që ka shteti përmes agjencisë AIDA, që idetë inovative të vihen në zbatim përmes fondeve mbështetëse për inovacionin dhe startup-et. Ajo gjithashtu foli dhe për inspektoriatin e tregut në varësi të MZHETTS i cili tashmë është kompletuar dhe ka nisur punën në terren për të garantuar zbatimin e ligjit të pronësisë intelektuale nga ana e subjekteve të ndryshme.

Ministrja për Inovacionin dhe Administratën Publike, znj. Milena Harito, tha se zhvillimi i teknologjisë që po konsiderohet si revolucioni i katërt industrial ka sjellë një ndryshim radikal dhe në fushën e dijes. Dikur kjo fushë ishte vetëm në duart e pak njerëzve, ndërsa sot është në duart e gjysmës së botës ose 3 miliardë njerëzve që kanë internet.

Më tej, konferenca vijoi me informimin e pjesëmarrësve me situatën konkrete të bazës ligjore për mbrojtjen e pronësisë intelektuale, për reformën në strategjinë e pronësisë intelektuale dhe diskutime të kësaj fushe.

Burimi: ata.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0