Kandidatja opozitare bjelloruse, kundërshtarja e përbetuar e diktatorit bjellorus dhe mikut të Putinit e diktatorit serb Milloshevic, Aleksandër Lukashenko, Svetlana Tihanovskaya është mike e shqiptarëve.
Në një foto ku ajo shihet me familjen e saj të realizuar në njërën nga monumentet arkeologjike shqiptare në Shqipëri, bashkëshorti i saj Sergei Tihanovsky bart fanellën kuq e zi me flamurin kombëtar shqiptar. Sergei ka qenë i burgosur politik në sistemin dikatorial të Lukashenkos, për shkak të aktivitetit të tij si influencues në Youtube si video-bloger. Më 15 maj të këtij viti, Komisioni Qendror i Zgjedhjeve në Bjellorusi, refuzoi që ta regjistronte nismën e Sergei Tihanovsy, kështu që, si reagim, bashkëshortja e tij Svetlana paraqiti kandidaturën për presidente të Bjellorusisë. Pesë ditë më vonë, KQZ bjelloruse e regjistroi Tihanovskaya si grup nismëtar. Bashkëshorti i saj, Sergei, u bë shef i stafit.
Më 29 maj 2020, në qytetin Grodno, u mbajt një takim për të mbledhur nënshkrime për emërimin e Tikhanovskaya si kandidate për presidencën e Republikës së Bjellorusisë, mirëpo Sergei Tikhanovsky, Dmitry Furmanov dhe të tjerë u arrestuan. Bjellorusia mbajti zgjedhjet më 9 gusht, kurse sipas të dhënave perëndimore, rezultatet e tyre u keqpërdorën. Mijëra protestues paqësorë kanë mbushur rrugët e Minskut dhe qyteteve të tjera në Bjellorusi, duke shprehur zemërimin e tyre për rezultatet e dyshimta.
Alexander Lukashenko, sundimtari autoritar i Bjellorusisë për 26 vitet e fundit, u shpall fitues me 80 përqind të votave, duke i dhënë atij një mandat të gjashtë në detyrë. Kandidati kryesor i opozitës, Svetlana Tikhanovskaya, iku në Lituani menjëherë pas zgjedhjeve, pasi protestuesit në rrugë u rrahën nga policia. Drejtuesit e BE, përfshirë kancelaren gjermane Angela Merkel, thonë se blloku europian nuk njeh rezultatin e zgjedhjeve të Bjellorusisë. Ata gjithashtu kanë premtuar sanksione për dhunën ndaj protestuesve. / Top News
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English