Online numri 17 i Revistës. Motivohu e informohu me Businessmag.al

Online numri 17 i Revistës. Motivohu e informohu me Businessmag.al


Në këto ditë të nxehta vere, mund të bëni pjesë të kohës tuaj të lirë artikujt e numrit 17-të të Business Magazine Albania.

Të gjithë ju që po pushoni dhe dëshironi të merrni një dozë motivimi, por edhe juve që jeni në zyrë dhe duhet të qëndroni të motivuar mund të lexoni në numrin tashmë online fjalimet më të mëdha motivuese ndër shekujt.

Motivimin mund ta gjeni në historitë e suksesit që po shënohen edhe në vendin tonë. Sipërmarrje të suksesshme, startupe që do t’ju surprizojnë me pasionin e veçantinë e të bërit biznes. Sipërmarrës në fushë e shërbimeve, sipërmarrës në bujqësi e shumë nisma që kanë në thelb teknologjinë e informacionit.

Ne kemi intervistuar të gjithë fituesit e “ICT Awards 2018” ndaj mund të zbuloni se çfarë po bëjnë ata në fushën e tekonologjisë.

Shkarkoni këtu numrin 17 të revistës

Në këtë numër do të shikoni se si në 5 vite, një sipërmarrje arrin të bëjë kapërcimin historik duke tërhequr vëmendjen e grupit më të madh investitor në vend. Flasim për Dyqan Taxi, i cili u ble së fundmi nga Grupi Balfin.

Në këto dite vere, mund të keni më shumë kohë për të lexuar libra. Nëse shfletoni online revistën do të zbuloni, çfarë po lexojnë disa prej sipërmarrësve në vend, si Samir Mane, Linda Shomo, Antonela Hako, Eglent Bici, Alketa Vejsiu e Edona Bilali.

Me një përmbledhje të zhvillimeve në vend, ju sjellim disa pjesë të realitetit shqiptar.

Krahas emigrimit, Shqipëria po përballet për herë të parë me uljen reale të popullsisë, nga ulja e lindjeve. Ekonomisti Koço Broka, në një intervistë për Businessmag.al fton qeverinë shqiptare të nisë me politikat e saj për të nxitur lindjen në vend, para se plakja e popullsisë të nisë të krijojë dëme në ekonomi.

Një debat “i nxehtë” prej muajsh është zhvlerësimi i euros. Në këtë numër mund të lexoni opinionet e dhëna për ne, nga ekonomistët Ilir Ciko dhe Pano Soko.

Se si pritet të jetë turizmi i këtij viti, na e tregon Zak Topuzi, përfaqësues i Shoqatës Shqiptare të Turizmit dhe Flora Baba, kryeredaktore e Travel Magazine.

Për kë do të informohet çfarë po ndodh me tregun e bursës, kur pritet të jetë gati për një përdorim publik të gjerë, mund të lexoni artikullin ku flet Artan Gjergji, drejtues i Bursës  “ALSE”.

Si gjithmonë, në numrat e revistës nuk mungojnë shqiptarët që historinë e tyre të suksesit po e shkruajnë jashtë vendit dhe është një sukses që do të prekë patjetër Shqipëri-Kosovë e gjithë Ballkanin në këtë rast. Flasim për Lulzim Veliun, i cili me kompaninë në Gjermani, ka shtrirë tashmë nismën e tij edhe në Kosovë e Shqipëri, ku fillimisht po formohen të rinj adoleshentë.

Këto e shumë të tjera, ju ftojmë t’i lexoni, ndërsa jeni të mirëpritur për komente e sygjerime.

Shkarkoni këtu numrin 17 të revistës

BusinessMag, do të jetë gjithnjë përkrah jush, përkrah njerëzve si ju, për të promovuar zhvillimin pozitiv dhe ndikimin që sjell në jetën tonë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0