Ogerta Manastirliu: Nga dita e premte, urgjencat kirurgjikale do të kryhen tek Spitali Universitar i Traumës.

Ministria e Shëndetësisë dhe Mbrojtjes Sociale njoftoi disa masa të reja në një njoftim përshtyp:

• 27 mjekët e testuar për Covid-19, në Sptalin e Fierit kanë rezultuar negativ.
• Po punohet për shtimin e numrit të respiratorëve, në strukturën e reanimacionit, ndërsa është dyfishuar kapaciteti i respiratorëve në Spitalin Infektiv në QSUT.

Lexo: Kryeministri: Administrata gjobë 3 muaj rrogë nëse shkon me makinë në punë

• Po punohet intensivisht nga ekspertët e Institutit të Shëndetit Publik dhe të gjithë epidemiologët të njësive të kujdesit shëndetësor kudo në vend në gjurmimin e kontakteve dhe kryerjen e udhëzimeve sipas Organizatës Botërore të Shëndetësisë.
• Në zbatim të planit të miratuar nga Komiteti Teknik dhe Taskforca, është vendosur që për të lehtësuar kapacitetet e QSUT-së, për të krijuar zonat sanitare, të sigurta për pacientët, të cilët trajtohen në spitale jo për Covid-19, shërbimi i kirurgjisë së urgjencës dhe ndërhyrjeve kirurgjikale për Patologjitë Malinje përkatësisht: Klinikat 1, 2 dhe Urologjisë në QSUT, të transferohen në Spitalin Universitar të Traumës duke filluar nga dita e premte.
• Spitalet Rajonale dhe bashkiake do të vazhdojnë të ofrojnë urgjencat kirurgjikale siç kanë bërë deri sot.
• Po punohet për një plan social në ndihmë të të moshuarve, familjeve me ndihmë ekonomike dhe për personat me aftësi të kufizuar.
• Për të moshuarit mbi 65 vjeç që nuk kanë familjarë apo fëmijë afër tyre do t’u mundësohet ofrimi i medikamenteve në banesë sipas një plani me mjekun e familjes dhe farmacistin ku shërbehet.

Lexo: Reduktohen oraret e lëvizjes së këmbësorëve. Pensionistët ftohen të telefonojnë për pensionin

• Ka filluar trajnimi i vullnetarëve mjekë dhe infermierë, për t’iu bashkuar shërbimeve shëndetësore në vend. Ka filluar trajnimi i skuadrave të vullnetarëve në Universitetin e Vlorës dhe trajnimi i stafeve në Tiranë.