Nuk është turp të pranoni që ju kanë larguar nga puna


Është e sikletshme të thuash që ju kanë pushuar nga puna. Në  disa raste ndoshta edhe ia keni bërë borxh shefit tuaj, por në disa raste largimet mund të jenë edhe të padrejta. 

Mund të jetë i vështirë largimi nga puna. Në disa raste është shqetësim më vete intervista e rradhës për një tjetër punë. Në fund të fundit, kur doni t’i mbushni mendjen dikujt për t’u punësuar, gjëja e fundit që doni të zini me gojë, është fakti që ju kanë hequr me forcë nga puna juaj e mëparshme.

Fakti që jeni pushuar nga puna, nuk do të thotë se ju jeni një person i keq apo se nuk do të shkëlqeni në një rol të ri dhe kompani tjetër. Por, si të përgjigjeni kur një punëdhënës i mundshëm ju pyet pse u larguat nga puna e mëparshme? Nëse thoni thjesht “Më pushuan” pa asnjë shpjegim, mund të lërë shije të keqe dhe të gjithë e dimë se nëse gënjeni, është edhe më keq. Atëherë, çfarë duhet të thjatoni nëse në një interviste pune ju pyesin për largimin tuaj të dyshimtë? Alison Green, autore e blogut të famshëm Ask a Manager, ofron një zgjidhje të thjeshtë për ju:

Lexo: Çfarë duhet të bëni 15 minuta para një interviste për punë?

Shmangni gënjeshtrat – Sipas Green, nëse përpiqeni ta fshihni faktin që ju kanë pushuar, do t’i hapni punë vetes edhe më tepër. “Nëse gënjeni dhe thoni se u larguat me dëshirë, ka gjasa që punëdhënësi do ta zbulojë të vërtetën kur të kontaktojë rekomandimet tuaja ose të bëjë një konktroll të së shkuarës tuaj. “Nëse ndodh kështu, gënjeshtra do t’ju dëmtonte imazhin. Një shpjegim i ndershëm do të vlerësohej shumë më tepër nga një punëdhënës.

Flisni në mënyrë të përmbledhur – Nuk ka nevojë për një shpjegim të zgjatur. “Duke folur gjatë, i jepni tepër rëndësi çështjes dhe duket sikur po mundoheni të mbroni veten”, shkruan Green. “Zakonisht, mjaftojnë vetëm disa fjali për të shpjeguar çfarë ndodhi”.

Ndiqni skriptin – Kur shpjegoni pse jeni pushuar nga puna, përqëndrohuni në ato që keni mësuar nga përvoja dhe si planifikoni të përmirësoheni në të ardhmen. Green ofron dy shembuj skriptesh, ku mund të mbështeteni, kur gjatë një interviste pune ju pyesin pse e latë punën e mëparshme:

“Në fakt, më hoqën. Është faji im. Mora përsipër një punë që kërkonte aftësi shumë të përparuara teknologjike, të cilat të them të drejtën, nuk i kam. Mendova se do arrija t’ia merrja dorën shpejt, por e nënvlerësova ngarkesën e madhe që duhet të mësoja. Ata morën vendimin e duhur dhe isha i çliruar që do t’u rikthehesha sërish redaktimeve”.

Lexo: Si të dalloni nga të tjerët në një intervistë pune

“Në fakt, më hoqën. Ngarkesa ishte shumë e lartë dhe unë nuk fola në kohë, kështu që përfundova duke bërë gabime, për shkak të ngarkesës. Nxora një mësim të vlefshëm që të komunikoj gjithmonë herët kur ngarkesa është aq e lartë dhe të sigurohem që të jem në një vijë me menaxherin tim.

Flisni saktë, qetë dhe pa justifikime, thotë Green. Mos harroni se sa vleni. 

Quartz

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale