Ditët e fundit portalet janë mbushur me lajmin se Apple është kompania e parë në histori që ka bërë trilionin e parë. Lajm jo i vërtetë pasi kompania e parë është PetroChina.
Ka qenë Nëntori i vitit 2007 kur kompania energjitike PetroChina ka arritur vlerën e 1 trilionit, në listën e aksioneve të Shangait.
Edhe pse Apple nuk është kompania e parë që ka arritur 1 trilionë dollarë, përsëri ajo mbetet një nga kompanitë më solide dhe më të mëdha në botë. Çmimi i aksioneve të Apple është rritur katërfish që kur Tim Cook zëvendësoi Jobs si shef ekzekutiv në vitin 2011.
Performanca mahnitëse e Apple ka lënë rivalët në sektorin e teknologjisë “të zvarriten në pragun e tij”, duke qenë i pari mes tyre që ka arritur më në fund 1 trilionë dollarë, vetëm pas 11 vitesh nga kompania kineze PetroChina.
Pas mbylljes me 201,5 dollarë të Mërkurën në Bursën e New York, aksionet e Apple fituan vlerën e 2,75% për të shkuar në 207,05 dollarë në orën 11:49 sipas kohës lokale, për ta çuar vlerën e tregut në pragun prej një trilionë dollarë.
Afër, pas Apple për të arritur vlerën prej një trilionë dollarësh është Amazon, me vlerë tregu prej rreth 879 miliardë dollarësh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
