Katër vjet pas zjarrit shkatërrues të 2019-ës, puna restauruese vazhdon në Katedralen Notre Dame dhe nxjerr në pah një imazh të veçantë të kishës. Monumenti historik është “në gjendjen e tij më të mirë” pa “150 vjet pluhur” në mure. Edhe para se zjarri të shuhej plotësisht, autoritetet franceze apeluan për ndihmë financiare dhe në fund morën një shumë marramendëse prej 846 milionë euro donacione. U zbulua se deri më tani projekti i restaurimit të tempullit ka kushtuar rreth 700 milionë euro.
Rindërtimi i tempullit u ngadalësua nga pandemia dhe ndotja e vendit nga pluhuri i plumbit pas zjarrit. Heqja e “460 tonë pluhur plumbi” kushtoi 150 milionë euro. Gjatë restaurimit, drejtuesit e projektit vunë re përmasat e papastërtive që mbulonin pjesën e brendshme të tempullit. Rehabilitimi i tij ishte një mundësi e mirë për t’u pastruar.
Kreu i projektit të restaurimit, gjenerali Jean-Louis Zorzelin, tha se kur Notre Dame të rihapet “ju do ta shihni atë siç nuk e keni parë kurrë më parë”. Qeveria franceze planifikon të përfundojë punën e restaurimit në vitin 2024, në mënyrë që Notre Dame të mund të vizitohet sërish përpara Lojërave Olimpike që do të mbahen në kryeqytetin francez nga 26 korriku deri më 11 gusht 2024.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English