Divizioni Smart Home i Amazon prezantoi një kamer fluturese, e cila fluturon vetëm nëse sensorët e saj identifikojnë një të huaj në shtëpi.
Është dizajnuar për tu aktivizuar kur familjarët nuk janë në shtëpi, punon në ambiente të brendshme dhe funksionon vetëm në një kat ose ndërtesë.
Kur Always Home Can aktivizohet, familjarët do të marrin një njoftim në smartfon duke u dhënë mundësinë të shohin pamje live.
Lexoni: LinkedIn rimodelohet, ofron opsione të reja për përdoruesit
Amazon tha se pajisja është ndërtuar duke pasur në fokus privatësinë. Pajisja kushton 250 dollarë dhe do të shitet për momentin vetëm në SHBA.
I njëjti divizion prezantoi edhe një kamer sigurie dizajnuar për tu përdorur në makinë dhe monitoron aktivitetin afër makinës kur është e parkuar. Shpenzimet konsumatorë në pajisje Smart Home do të ulen këtë vit me 15% për shkak të rënies ekonomike nga Covid-19. Por parashikimet flasin për rritje të kërkesës në 2021.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
