Njihuni me dy inxhinierët shqiptarë të kompanisë ndërkombëtare SPLUNK - Business Magazine Albania

Njihuni me dy inxhinierët shqiptarë të kompanisë ndërkombëtare SPLUNK


Ledio Ago është një inxhinier, që sot drejton 7 grupe pune të shpërndara nëpër botë të kompanisë Splunk, kompani e analizimit dhe përpunimit të të dhënave kompjuterike.

Prej gati 12 vitesh ai punon në kompani dhe ka tërhequr një grup të rinjsh shqiptarë që kanë studiuar në këtë fushë.

Ndër të paktat kompani ndërkombëtare në fushën e IT që sot numëron 9 inxhinierë e profesionstë shqiptarë, ndërsa kompania në total në mbarë botën ka rreth 4500 të punësuar.

Ne takuam Ledion bashkë me kolegun e tij Bardhi Shtylla, po ashtu inxhinier në zyrat e tyre në San Francisco.

Të kesh pak para, një gjysmë ideje dhe pak mbështetje mund t’ia dalësh. Këtë mendim ndajnë ata me ndjekësit e Businessmag.al. Ledio Ago mbaroi gjimnazin në Elbasan në viti 1995. Destinacioni i radhës për të ishte Amerika.

Iu desh shumë përpjekje të mësojë gjuhën në një kohë të shkrutër, për të ndjekur më tej studimet universitare për Shkenca Kompjuterike në University Of Central Oklahoma, Oklahoma. Djali që ka punuar që në moshën 8 vjeçare me shitje të vogla, sot menaxhon inxhinierët dhe punën e skuadrave të shpërndara në zyrat e San Francisco, Shanghai, Seattle, etj.

Në vitin e fundit të studimeve bashkë me dy djem zhvilluan një Start Up në fushën e teknologjisë, me programe mbështetëse për punën në kompjuter. Dhe pas një pune 4 vjeçare, ata e shitën Startup-in e tyre. Biznesi kishte arritur në kohën para shitjes në 20 mijë instalime që merreshin me përpunimin e të dhënave.

Përmes disa miqve arrin të bëhet pjesë e stafit të Splunk, dy vite pas hapjes së kompanisë. Në këtë rast, mes miqsh ai njohu një kompani të vogël, në fillimet e saj, duke u bërë punonjësi i 35-të i saj. Inxhinieri sot ka në patronazh 5 skuadra pune që operojnë brenda Amerikës, kurse dy të tjera jashtë kontinentit. Ai ia ka dalë të përballojë me sukses përgjegjesitë dhe sfidat që i ka ofruar puna.

Pjesë e stafit të Splunk është edhe inxhinieri Bardhi Shtylla, i cili nisi jetën në Amerikë në vitin 2000 si student. Po si janë njohur dy inxhinerët shqiptarë?!

“Isha në rrugë me prindërit kur Ledio u afrua dhe na pyeti nëse jemi shqiptarë. Na dalloi nga gjuha që flisnim,”- thotë ai për Businessmag.al.

Para se të bëhej anëtar i kësaj kompanie, Bardhi ka punuar në një kompani botërore financiare, në rolin e programuesit.

Çfarë është SPLUNK?

Është një kompani që me merret me konsolidimin e të dhënave, analizën e tyre. Kjo kompani ështe krijuese e Big Data, e cila si terminologji nuk ishte para se të krijohej Splunk. Software-i të ndihmon të mbledhësh të dhëna dhe t’i analizosh ato. “Nëse një punë të këtij lloji më parë të duhej dy javë ta mbaroje me SPLUNK mund ta mbarosh brenda disa minutave,” thotë Bardhi.

Menaxherët inxhinierë nga Shqipëria flasin sot me siguri për mundësitë e suksesit, pas. Përvoja u ka siguruar vetëbesimin për të ecur shumë mirë përpara në kompaninë me vlerë mbi 2 miliardë dollarë dhe që synon të arrijë shpejt në 100 mijë klientë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0