Shohim e njohim një rini që manipulohet nga media, rrjetet e pasigurta online. Fajësojmë zgjedhjet ekstreme si konsumi i drogës, e fajësojmë këngëtarët që nuk përçojnë art.
Ku është vija ndarëse mes njerëzve që zgjedhin sportin dhe ata që ngushëllohën në konsumin e dëmshëm, qoftë edhe vetëm të muzikës që stonon.
Parë nga një perspektivë, të gjithë jemi në ndjekje të një rrahje zemre më larg.
Keni provuar të keni një mik, të cilit i besoni jo çdo sekret, por çdo qelizë e kockë të brishtë tuajën? Provojeni, mbase zogjtë do të cicërojnë më ëmbël dhe meridiani i Grenuiçit do të anojë drejt jush. Mbase-mbase, dielli do të ndriçojë më ngrohtësisht…
Kur mendojmë për xhiro, pse jo shumë të rinj sot e çojnë mendjen menjëherë tek makina. Shkodranët, tek biçikleta dhe goma e shfryrë.
Një xhiro e kalorësve në Shkodër nuk kishte nevojë për naftë, për para apo për kontroll tek rregulluesi i biçikletave në lagje. Kërkonte guxim, durim dhe dedikim! Asfalti përvëlues ishte vetëm një nga pengesat që u kalua me sukses!
Hapi ndalet në qendër të Shirokës, mes flladit të liqenit e ‘numërimit’ të hamshorëve. Kalorësit sapo kishin ndalur, por adrenalina e vizitorëve mori drejtim të kundërt. Mjaftonte një hap i kuajve që amatorët të alarmoheshin. Thonë që irisi i kalit ka efekt zmadhues, e rrjedhimisht ata duhen të kenë frikë nga ne që u afrohemi. Po një lëvizje e pallogaritur prej tyre dhe ja, irisi njerëzor… Shumë vizitorë ikën me vrap. Ishte për të qeshur po edhe për të qarë. Një qytet si Shkodra, me shumë kulturë, por pak në fushën e hipizmit. Nuk mendoni se ka ardhur koha që kjo të ndryshojë?!
https://youtu.be/8vY18W31Ki4
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto