Një librari për të frymëzuar mendje. Kjo është sipërmarrja e motrës dhe vëllait në Korçë - Business Magazine Albania

Një librari për të frymëzuar mendje. Kjo është sipërmarrja e motrës dhe vëllait në Korçë

Një motër e vëlla, Xheni 26 vjeç, diplomuar për Administrim Publik dhe Andi, 20 vjeç, që studion në Matematikë- Fizikë, kanë themeluar librarinë “Luledielli” në Korçë. Ata ofrojnë shitje online, paketimin dhe huazim të librave si dhe asistencë mësimore. Paketimet e tyre kanë një stil tepër të veçantë dhe estetik.

Ata janë finalistë në konkursin e IDEA dhe Business Magazine zhvilloi një intervistë me ta për t’i pyetur rreth historisë së fillimit të sipërmarrjes së tyre.

Ku lindi pasioni juaj për librat dhe ju injektoi dëshirën për biznesin?

Pasioni për librat është kultivuar që në fëmijëri. Leximi ka qenë gjithmonë i rëndësishëm. Gjithsesi, lidhja e ngushtë me librat ka nisur dy vite më parë kur dëshira për të lexuar u kombinua me së miri me kohën në dispozicion.  Frymëzuar nga ikona të biznesit, pasionin për librin filluam ta ndanim me libradashësit nëpërmjet një faqeje Instagrami, të cilës i vendosëm emrin “Librari Luledielli”. U krijua kështu nje biznes që ka për qëllim kthimin e vëmendjes drejt librit.

Cilat ishin disa nga vështirësitë e para në hedhjen e themeleve të biznesit?

Pavarësisht vështirësive të hasura, me të cilat përballet çdo biznes gjatë fazës së parë të krijimit, Luledielli pati një impakt shumë të madh në shoqëri. Është pritur pozitivisht dhe është mbështetur prej ndjekësve të shumtë të faqes online.

Lexo edhe: Lind apo bëhesh sipërmarrës? Ja si ta zbuloni

Si planifikoni ta zgjeroni më tej biznesin tuaj?

Ky start up është ende në hapat e parë. Ne deshirojmë që shumë shpejt t’i shtojmë librarisë sonë tituj në gjuhën angleze. Për këtë kemi marrë pjesë në kompeticione dhe aplikime për grante, me qëllim krijimin e një buxheti dhe shndërrimin e Lulediellit në një librari të mirëfilltë, me një numër të konsiderueshëm librash. Për me tepër kemi menduar që librarisë t’i shtojmë disa funksionalitete të tjera, si p.sh.: ofrimin e një këndi leximi, ofrimin e tutorimit (asistencë mësimore) dhe shërbimin e huazimit të librave nga një mini – bibliotekë.

Sa e vështirë është t’i bësh njerëzit të lexojnë libra?

Duket sikur është e vështirë që të kthesh vemendjen e njerëzve ndaj librit, por në rastin tonë nuk ka rezultuar kështu. Njerëzit kanë shfaqur interes rreth leximit dhe detajeve të vogla që libraria ofron me shumë delikatesë dhe përkujdesje.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0