Një influencer-e që fansat e saj e quanin "Perëndeshë e lezetshme", zbulohet se është një grua 58 vjeçare - Business Magazine Albania

Një influencer-e që fansat e saj e quanin “Perëndeshë e lezetshme”, zbulohet se është një grua 58 vjeçare


Një vlogger-e e famshme kineze që më parë mbështetej në filtrat e telefonit për t’u dukur e re, aksidentalisht e zbuloi identitetin e saj të vërtetë si një grua 58-vjeçare, kur rastësisht një problem teknik tregoi fytyrën e saj të vërtetë, raportojnë mediat lokale.

Vlogger-ja, e njohur si “Madhëria e Saj, Qiao Biluo” , ishte duke bërë një video live më 25 korrik, kur një gabim teknik bëri që bukuria e saj të zhdukej, njoftoi platforma e Kinës Lychee News.

Ajo zakonisht përdor një filtër bukurie për t’u dukur më e re në video.

Para gabimit teknik, ajo kishte rreth 135,000 ndjekës në faqen kineze të videove Douyu, tha Lychee News. Fansat e saj më parë e përshkruanin atë si një “perëndeshë të lezetshme” me një “zë të ëmbël dhe shërues”, njoftoi tabloidi i Global Times.

Njerëzit filluan menjëherë të largoheshin nga video-ja, dhe shumë ndjekës meshkuj menjëherë e hoqën abonimin e tyre nga kanali i saj, raportoi BBC.

Ajo që nga ajo kohë e ka pranuar se është 58 vjeç, sipas Global Times.

Megjithatë, ky dështim vetëm sa e ka përmirësuar karrierën e saj online.

Pavarësisht rënies fillestare të ndjekësve meshkuj menjëherë pas gabimit teknik javën e kaluar, popullariteti i saj në të vërtetë është rritur. Që nga mbrëmja e së mërkurës, profili i saj në Douyu ka më shumë se 985,000 ndjekës, ku shumë fansa i kanë dërguar mesazhe inkurajuese.

Ajo gjithashtu ka filluar të marrë sponsorizime nga kompani që shesin softuere bukurie, dhe njoftoi të martën se e ka në plan të regjistrojë një album muzikor, raportoi Global Times.

Por Partia Komuniste mund ta shfrytëzojë këtë rast si një shembull për t’i shkatërruar vlogger-ët.

Qeveria kineze, e cila kontrollon mediat dhe industrinë e lajmeve, është përpjekur të shkatërrojë formën e video-ve live.

Tabloidi i Global Times, e përshkroi “industrinë e influencerëve në internet” si një industri “ku nuk dihet se kush është me të vërtetë pas ekranit, dhe çdo gjë – duke përfshirë informacionin e paligjshëm – mund të transmetohet përmes internetit”.

Tabloidi citoi gjithashtu “analistë” që thoshin se influencerët në Kinë kanë një “ndikim negativ mbi adoleshentët, të cilët nuk janë aq të pjekur sa të dinë se çfarë është e drejtë dhe e gabuar”.

BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0