Në grua do të jetë drejtoreshë e përgjithshme e Organizatës Botërore të Tregtisë, për herë të parë, në historinë e saj 25 vjeçare. Ky vendim vjen në një moment delikat, për ekonominë botërore që po ngadalësohet për shkak të pandemisë Covid-19 dhe krizës tarifore midis Shteteve të Bashkuara dhe Kinës.
Pas një procesi përzgjedhje me 8 kandidatë, në fazën finale mbërritën nigeriania Ngozi Okonjo-Iweala dhe Yoo Myung-hee nga Koreja e jugu. Përveç tyre, Kenina Amina Mohamed ishte gjithashtu në garë, por ajo u ndal në raundin e dytë të bisedimeve. Zgjedhja e udhëheqësit të ri të përgjithshëm të OBT-së me seli në Gjenevë, ka nisur pas dorëheqjes së brazilianit Roberto Azevedo, i cili u largua një vit më herët sesa të mbaronte mandati i tij. Njëra prej të dyjave do të marrë mandatin, në një moment kyç ku bota po vuan nga pandemia e koronavirusit, e cila e ka përplasur tregtinë dhe ka shkaktuar recesion të thellë global.
Një grua në krye të Organizatës Botërore të Tregtisë është e fundit në nivelin e institucioneve të rëndësishme ekonomike dhe financiare: Drejtueset femër kanë drejtuar në të kaluarën Bankën Botërore, Fondin Monetar Ndërkombëtar, Bankën Qendrore Evropiane dhe Rezervën Federale . Jo vetëm kaq: gratë në krye mund të numërohen, në të kaluarën ose në të tashmen, në Organizatën Botërore të Shëndetësisë dhe në Unesco.
Ngozi Okonjo-Iweala, 66, është kandidatja e Nigerisë: një ish-ministre e financave, me 25 vjet përvojë në Bankën Botërore, ajo është një ekonomiste me famë ndërkombëtare. Yoo Myung-hee, 53 vjeç, është përfaqësuesja e Koresë së Jugut: Ministrja aktuale e Tregtisë, në të kaluarën ka mbajtur poste qeveritare në krye të departamenteve të rëndësishme, përfshirë atë të Industrisë dhe Energjisë. Për herë të parë OBT u krijua në vitin 1995 me qëllimin e promovimit të tregtisë së hapur për të mirën e të gjithë shteteve. Ajo negocion dhe administron rregulla për tregtinë ndërkombëtare dhe përpiqet të zgjidhë mosmarrëveshjet midis 164 anëtarëve të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English