Departamenti i Psikiatrisë i Universitetit të Oksfordit po teston mjetin dixhital të njohur si Petrushka, i cili do të personalizojë trajtimin kundër depresionit.
AI përdor të dhëna nga më shumë se një milion njerëz dhe rekomandon, në kohë reale, ilaqet kundër depresionit më të mirë për çdo individ gjatë një konsultimi. Ekipi dëshiron të rekrutojë rreth 200 pjesëmarrës deri në verë. Petrushka përdor informacion nga çdo pacient, si mosha, gjinia dhe ashpërsia e simptomave, dhe merr parasysh efektet anësore.
Studiuesit pretendojnë se është një “mënyrë inovative për të fuqizuar pacientët dhe për të ndarë vendimmarrjen gjatë procesit të trajtimit”.
Kryehetuesi Prof Andrea Cipriani tha: “Në praktikën e botës reale, medikamentet kundër depresionit zakonisht përshkruhen bazuar në njohuritë e mjekut. Ka më shumë se 30 medikamente kundër depresionit në treg, por 9 nga 10 mjekë të përgjithshëm rekomandojnë një nga vetëm 4 ilaqet kundër depresionit.
“Kjo do të thotë që pacientët mund të mos marrin trajtimin që do të ishte më efektiv ose më i qëndrueshëm për ta. Ne duam të trajtojmë individë, jo mesatarë. Duam të jemi sa më të saktë që të jetë e mundur dhe të identifikojmë trajtimin më të mirë për çdo pacient më shpejt bazuar në atë që dimë se funksionon për pacientët me karakteristika të ngjashme, në vend që të humbim kohë duke provuar trajtime që mund të jenë më pak efektive”, shtoi ai.
Pacientët mund të regjistrohen për provë dhe do të pasojë një proces i shkurtër shqyrtimi. Gjithashtu po kryhet në Kanada dhe Brazil.
Menaxherja e provës Nyla Haque pohon: “Studimi zgjat 24 javë në total, por pas 8 javësh do të shohim se sa pjesëmarrës janë ende duke marrë trajtimin e caktuar. Kjo masë do të na tregojë se sa i pranueshëm dhe i toleruar është një trajtim. Ne gjithashtu do të mbledhim informacion nga pjesëmarrësit për gjendjen shpirtërore, ankthin, cilësinë e jetës dhe çdo efekt anësor gjatë gjithë kohëzgjatjes së provës”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English