Startup-i “Saillog” në fushën e teknologjisë bujqësore (AgriTech), ka krijuar aplikacionin e parë inteligjent artificial për fermerët, të aftë për identifikimin e sëmundjeve të kulturave bujqësore dhe planifikimin e menaxhimit të dëmtuesve, si dhe alarme në kohë reale për sëmundjet e kulturave dhe dëmtuesit që parashikohet të mbërrijnë në fermat e tyre.
Kjo i ndihmon fermerët të marrin masa parandaluese për të penguar infektimet dhe për të zvogëluar humbjet e prodhimit të kulturave të mbjella.
Aplikacioni shumëgjuhësh për smartphone i Saillog, Agrio, është në fakt një mjet multi-platformësh agronomik i pajisur me teknologji të njohjes së imazhit dhe mbështetur nga algoritme të inteligjencës artificiale të aftë për të diagnostikuar sëmundjet e kulture, mangësitë dhe dëmtuesit e kulture me një foto të çastit të realizuara nga kamera.
Fizikanti Nessi Benishti, themelues dhe CEO i kompanisw izraelite “Sailog”, shpjegoi se aplikacioni Agrio “mund të identifikojë sëmundjet e kulturave dhe dëmtuesit me nivele të larta besimi dhe krijon mundësinë për të parandaluar përhapjen e patologjive në fermat aty pranë; është sikur të keni një agronom në xhepin tuaj”.
Kohët e fundit, një veçori është inkorporuar në aplikacionin Agrio, ku inteligjenca artificiale e bazuar në një algoritëm AgroShield, është e aftë të paralajmërojë fermerin në lidhje me përhapjen e dëmtuesve dhe sëmundjeve të kulturës në lidhje me vendndodhjen gjeografike të fermës.
Lexoni: “Agritech Israel 2018”, ja cilat janë startup-et më premtuese në bujqësi në botë
Aplikaconi u dërgon fermerëve “alarme” në kohë reale që u jep atyre kohë për masa parandaluese për të penguar infektimet dhe për të zvogëluar humbjet e kulturës bujqësore. “AgrioShield është një nga funksionet e shumta që po lançojmë për të ndihmuar fermerët të reduktojnë dëmet para mbledhjes së prodhimit”, tha drejtori ekzekutiv, Nessi Benishti.
Saillog u krijua në 2017 nga fizikanti izraelit Nessi Benishti, i cili për më shumë se një dekadë, ka zhvilluar algoritme të inteligjencës artificiale për imazhet mjekësore.
Marrë nga izraelisot.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
