Nisin ethet e shkrirjes së bankave tek punonjësit. Intesa: do të vijojmë me ristrukturimin
Përditësuar së fundmi: 23/06/2018

Nisin ethet e shkrirjes së bankave tek punonjësit. Intesa: do të vijojmë me ristrukturimin

Share
nga Albana Mucaj
Qer 23, 2018

Prej disa ditësh në mediat vendase qarkullon lajmi i shkarkimit të dhjetëra punonjësve të Veneto Bank në Shqipëri. Punonjësit thonë se, shkarkimi po bëhet në mënyrë arbitrare, përmes një emaili dërguar punonjësve.

Vendimi për blerjen e Veneto Bank nga Intesa San Paolo Bank është marrë rreth një vit më parë.

Businessmag.al ka kontaktuar punonjësit e prekur nga kjo dhe drejtuesit e bankës për më shumë detare rreth asaj çfarë po ndodh.

Punonjësit, thonë se vendimi është marrë arbitrarish dhe janë në rrezik mbi 70 vende pune. Ndërkohë, burime zyrtare të Intesa San Paolo mohojnë njoftimet e pushimit nga puna, duke theksuar gjithësesi se plani i ristrukturimit do të vijojë, çka parashikon humbje të dhjetëra vendeve të punës.

“Asambleja e Jashtëzakonshme e Aksionerëve në 4 Maj 2018, vendosi të vijohej me bashkimin e Veneto

Banka sh.a. dhe Intesa Sanpaolo Bank Albania sh.a. Projekt Plani i Bashkimit përfshijnë edhe ndikimin e pritshëm tek punonjësit”, thuhet në njoftimin e bankës.

Prej 10 Majit 2018, banka thekson se “janë zhvilluar shumë takime me Këshillin e Punonjësve të Veneto Banka sh.a. me qëllim zbutjen e ndikimit fillestar të parashikuar në Planin e Strukturimit. Por, pavarësisht të gjitha përpjekjeve të bëra nga Intesa Sanpaolo SpA për të plotësuar pjesërisht ose plotësisht kërkesat e Këshillit të Punonjësve, të dyja palët nuk kanë arritur një marrëveshjeje”.

-Ndaj, sipas parashikimeve të Kodit të Punës, Intesa Sanpaolo SpA i ka kërkuar ndihmë Ministrisë së Financave dhe Ekonomisë për të arritur një marrëveshje të mundshme. “Megjithëse konsultimet janë ende në proces, Intesa Sanpaolo SpA bëri të mundur zvogëlimin e ndjeshëm të numrit të punonjësve të përfshirë në Planin e Ristrukturimit. Deri më tani, asnjë njoftim për përfundimin e marrëdhënieve të punës nuk i është dërguar asnjë prej punonjësve të Veneto Banka sh.a.

Plani i Ristrukturimit, sipas burimeve zyrtare të Intesa Sanpaolo, do të zbatohet për arsye ekonomike, teknologjike dhe strukturore sikundër është parashtruar në dokumentet e publikuara tashmë dhe procesi pritet të përfundojë në shtator.

Aktualisht në Shqipëri, disa banka janë në proces shitje e ristrukturimi. Disa muaj më parë ABI Bank bleu bankën NBG, dhe ristrukturimi ende nuk ka filluar. Të tjera banka, si ICB Bank, janë në pritje të një procesi të tillë gjithashtu.


Evente

Le të ndërtojmë një rrjet nervor

Shtator 26, 2018
6:30 PM – 9:30 PM

Coworking Week 2018

Tetor 4, 2018
7 PM

AllWeb Albania 2018

Tetor 11, 2018
9 AM - 6 PM