Shefi Ekzekutiv i Facebook, Mark Zuckerberg, ka bërë të ditur dje se rrjeti gjigand social ka nisur punimet për ndërtimin e data-qendrës së dytë në kontinentin Evropian.
Data-qendra e re do të ndërtohet në një fshat të vogël irlandez, Clonee. TechSot.Al raporton se data-qëndra tjetër në Evropë ndodhet në Lulea të Suedisë.
Kjo do të jetë data-qendra e gjashtë në të gjithë botën. Katër të tjerat ndodhen të gjitha në ShBA, Fort Worth, Texas, Altoona, Iowa, Forest City, Karolina e Veriut, dhe Prineville, Oregon, që ishtë dhe e para.
Sipas TechSot.Al, data-qëndra e Clonee do të jetë një nga më efikaset dhe një nga më të avancuarat në botë.
Pritet që së shpejti Facebook të ndërtojë një data-qendër edhe në Azi, më saktë në shtetin e Tajvanit, por asgjë nuk është konfirmuar nga vetë rrjeti social më i përdorur në botë.
*Shënim: data-qendrat (ang. data center) janë infrastruktura teknologjike, ku përpunohen të dhënat e një shërbimi apo website.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
