Ngadalësohet blerja e arit nga Bankat Qendrore - Business Magazine Albania

Ngadalësohet blerja e arit nga Bankat Qendrore


Bankat Qendrore kanë ngadalësuar blerjen e arit në muajin shkurt, duke marrë 25 tonë të metalit të verdhë kundrejt 41 ton në muajin Janar, tregojnë të dhënat e Këshillit Botëror të Arit.

Kjo vjen gjithashtu për shkak se ka patur më shumë shitje se blerje mujore nga banka të caktuara, duke i çuar zotërimet kolektive të arit të bankave qendrore globale në rënie me 16 ton në muajin Shkurt, që është rënia e parë që prej Janarit të 2015-ës.

Shumica e blerjeve kanë qenë prej Kinës dhe Rusisë, që kanë shtuar 10 dhe 11 ton të metalit të çmuar në zotërimet e tyre në mënyrë reskeptive. Ekspertët e lëndëve të para në grupin anglez të hulumtimeve makroekonomike “Capital Economics”, thonë se ngadalësimi në ritmin e blerjes nga Bankat Qendrore mund të jetë dhe sezonal.

Blerjet kanë gjasa të rifillojnë vrullin më vonë gjatë vitit, pasi ari qëndron një aktive strategjike e rezervave për Bankat Qendrore. Ekspertët thonë se ka arsye pozitive që bankat qendrore të vazhdojnë të përdorin arin si pjesë të rezervave të tyre, përfshirë diversifikimin larg dollarit.

Ky është rast kryesor për tregjet në zhvillim, ku bankat qendrore kanë ulur mbajtjen e arit si përqindje të rezervave totale, krahasuar me ekonomitë e zhvilluara. Turqia reduktoi rezervat e arit me 37 tonë në muajin shkurt.

 

/ Telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0