Nga Rihanna tek Dolly Parton: Lista e Forbes me gratë më të pasura self-made të Amerikës - Business Magazine Albania

Nga Rihanna tek Dolly Parton: Lista e Forbes me gratë më të pasura self-made të Amerikës

gratë më të pasura

Me qëllimin për të festuar sukseset e tyre, Forbes paraqet listën e shtatë vjetore të grave më të pasura self-made të Amerikës. Një treg i aksioneve në rritje dhe një vërshim i IPO-ve ngritën pasurinë e këtyre 100 sipërmarrësve, drejtuesve dhe artisteve me 31% që nga viti i kaluar, në një kombinim prej 118 miliardë dollarësh.

Numri një për të katërtin vit me radhë është Diane Hendricks, e cila themeloi firmën ABC me produkte për të bërë çatitë me burrin e saj të ndjerë Ken. Pasuria e saj u rrit në rreth 11 miliardë dollarë, duke e bërë atë gruan e parë nga SHBA që tejkalon një vlerë neto prej 10 miliardë dollarësh.

Manjatja e muzikës pop, Rihanna, e renditur në vendin e 16, tani është zyrtarisht një miliardere, duke u bërë një nga 26 gratë rekord në listë me një pasuri me 10 shifra. Miliardere të tjera të reja këtë vit përfshijnë Anne Wojcicki të 23andMe dhe themeluesen e aplikacionit Bumble, Whitney Wolfe Herd, të cilat i bënë publike kompanitë e tyre; sipërmarrësja e fintech Jenny Just; themeluesja e kompanisë së sigurimeve Robyn Jones dhe ylli i reality show dhe manjatja e kozmetikës Kim Kardashian West, pasuria e të cilës është rritur pasi vlera e firmës së veshjeve Skims ka marrë hov.

Lexoni: 10 njerëzit më të pasur të botës mund të paguajnë vaksinat anti covid për të gjithë botën

15 fytyra të reja u bashkuan këtë vit, disa për shkak të ofertave publike fillestare dhe të tjera për shkak të rritjes së çmimeve të aksioneve. Deri tani më e njohura është Dolly Parton, e cila forcoi katalogun e saj muzikor me një investim të zgjuar në parkun tematik Dollywood në vendin e saj të lindjes, Tennessee. Supermodelja Cindy Crawford hyn në listë për shkak të suksesit të linjës së saj të kujdesit për lëkurën, Beauty Meaningful. Heather Hasson dhe Trina Spear themeluan dhe drejtuan firmën moderne të pastrimit Figs, të cilat renditen në vendin 50 dhe 52, respektivisht. Caryn Seidman-Becker bleu firmën e sigurisë së aeroportit Clear Secure nga falimentimi në 2010 dhe e bëri atë publike në qershor me një vlerë prej 4.5 miliardë dollarësh.

Dy të tretat e 100 themeluan ose bashkëthemeluan një kompani në industri duke filluar nga energjia diellore (Lynn Jurich e SunRun, Nr. 95) deri tek edukimi online (Rachel Carlson i Guild Education, No. 61). 26 janë CEO, përfshirë pioneren e të dhënave shëndetësore Judy Faulkner të Epic Systems dhe Safra Catz të gjigantit softuerik Oracle.

/Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0