Aplikacioni i shumëpërfolur, Tiktok, është në kërkim të një blërësi amerikan pas kërcënimit për ndalim.
Dita e fundit për realizimin e shitjes është shtyrë për 75 ditë, pas një ndalimi të shkurtër të aplikacionit më 19 janar.
Lexo gjithashtu: Trump sugjeron që TikTok të blihet nga Microsoft
Po cilët janë kanditatët kryesorë për blerjen e aplikacionit?
- Mr. Beast (Jimmy Donaldson)
Youtuberi i famshëm MrBeast është një nga investitorët e mundshëm. Ai është pjesë e një sindikate investitorësh që propozon një ofertë të plotë për të blerë TikTok. Donaldson ka deklaruar se shumë miliarderë janë interesuar për të kthyer marrëveshjen në realitet dhe ka shprehur dëshirën për “të marrë një vend” në tryezën e negociatave për të shpëtuar platformën.
- Frank McCourt dhe “The People’s Bid”
McCourt, një miliarder i pasur nga SHBA, është në krye të një grupimi që synon të blejë TikTok dhe ta përdorë atë për të promovuar fuqizimin e të dhënave dhe njerëzve në platformë. Ky grup ka siguruar angazhime investitorësh deri në 20 miliardë dollarë.
- Elon Musk dhe Larry Ellison
Ish-Presidenti Trump ka shprehur hapur mbështetje për Musk dhe Ellison si personat më të mundshëm për të blerë TikTok. Musk ka qenë kritik ndaj ndalimit të TikTok, duke e quajtur atë një kundërshtim të lirisë së shprehjes.
Përpos më të diskutuarve ka pasur dhe të interesuar të tjerë.
- Steven Mnuchin, ish-sekretar i Thesarit të SHBA-së, ka shprehur interesin për të investuar në platformë.
- Bobby Kotick, ish-CEO i Activision, ka menduar gjithashtu mundësinë e blerjes së TikTok, sipas asaj që raportohet në media.
Koha po kalon dhe këto zhvillime janë në një fazë të nxehtë për të përcaktuar se kush do të fitojë të drejtën për të pasur një ndikim në TikTok, një platformë që ka bërë revolucion në industrinë e medias sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
