Nevojitet një plan për familjet e varfëra. Kriza ushqimore mund të trokasë shpejt


Në familjen Brahaj pranë liqenit të Farkës punonte vetëm i zoti i shtëpisë. Ai ka 3 fëmijë dhe prej dy ditësh ndodhet në shtëpi pa të drejtë page. Punishtja e prerjes së mermerit është mbyllur. Në një bisedë në telefon, ai na tregon se edhe gjatë periudhës së tërmetit pati mbetur pa punë. Rrjedhimisht emri i tij është në listat e borxhlinjve në dyqanet ushqimore të lagjes. Ai nuk di të na janë një përgjigje se si do të veprojë këto ditë izolimi, nëse nuk do të mund të marrë sërish borxh tek dyqani ushqimor i lagjes së tij.

Lexo: Shkon në 33 numri i të infektuarve me COVID-19 në Shqipëri

Kjo varet edhe nga disponibilieti i tregtarit të ushqimores. Flasim për një familje në kryeqytet. Por, nuk duhet shumë përpjekje për të gjetur familje që kanë filluar që sot të kenë pikëpyetje të mbijetesës. Ato janë kryesisht në rrethina të kryeqytetit, në zonën Tiranë-Durrës-Thumanë, ndikuar edhe nga tërmeti, por edhe në zonat e largëta si Kukësi, Librazhdi, Gjirokastra, etj.

Në fakt, kjo është e pritshme, kur paga minimale prej 26 mijë lekë në muaj, është ndër nivelet më të ulëta në Europë. Një ditë më parë, kreu i opozitës deklaroi se rreth 50% e popullsisë përballet me mbijetesën.

Sipas Institutit të Statistikave, janë rreth 600 mijë banorë në të gjithë vendin, që gjenden në kufijtë e varfërisë.
Ekonomistët paralajmërojnë emergjencë ushqimore, për gati gjysmën e popullsisë, ndërsa rreziku më i lartë për një emergjencë jo vetëm ushqimore, por edhe higjienike e shëndetësore, mund të jetë në zonat e dëmtuara nga tërmeti. Familjet me banesa të dëmtuara në Durrës, Tiranë e Thumanë, në shumë raste janë rikthyer në banesat e tyre të dëmtuara, ku impiantet e furnizmit me ujë e energji janë të dëmtuara, krahas pasigurisë së banesës.

Ndërsa qeveria dhe ministria e Shëndetësisë kanë orientuar gjithë vëmendjen e tyre tek parandalimi dhe identifikimi i hershëm i të prekurve me Covid-19, të varfërit nuk janë ende në qendër të vëmendjes. Aktualisht i vetmi vendim financiar është ai i pezullimit të pagesës së kësteve të kredisë për 3 muaj, vendim që pak prek familjet e varfëra. Ato shpesh nuk kanë llogari bankare, e aq më tepër kredi.

Lexo: BERZH do të forcojë mbështetjen për kompanitë ndërsa kriza e koronavirusit thellohet

Deri më tani qeveria shqiptare ka treguar disponibilitet dhe ka qenë më e shpejtë se Italia në përpjekjet e saj për të frenuar përhapjen e koronavirusit. Por, përsa i përket mundësisë së një emergjence ushqimore të shtresave në nevojë qeveria duhet të marrë shembuj të vendeve të tjera të prekura, me të ardhura të ulëta, ose t’u referohet këshillave të organizatave OBSH dhe OECD.

Ndryshe nga tërmeti, në këtë rast, vendimi për të mos lëvizur dhe për të mos u grumbulluar pengon edhe organizatat joqeveritare, dhe organizatat humanitare të marrin masa për grumbullimin e pakove ushqimore për njerëzit në nevojë.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale