Në një intervistë për Businessmag, ish Ministri i Financave Arben Malaj thekson barrën e rëndë të krizës për gjysmën e popullsisë. Sipas tij, qeveria dhe parlamenti duhet të sigurojnë masa mbështetëse dhe lehtësuese për shtresën e popullsisë me të ardhura të ulëta dhe në kufijtë e varfërisë, ashtu si edhe për ndërmarrjet e vogla dhe të mesme. Familjet sipas tij, nevojitet të kenë një qasje të re për përdorimin efektiv të burimeve të tyre.
Lufta në Ukrainë, pas pandemisë duket se ka goditur të gjitha tregjet dhe kryesisht ato të Europës. Në supermarkete, çmimet janë gati dyfishuar për disa produkte bazë, ndërsa nafta dhe gazi në vendin tonë, kanë shënuar rritjen më të madhe.
Në këndvështrimin tuaj, cili është shqetësimi më i madh i tregjeve aktualisht? Futja në një zinxhir rritjesh çmimi për shkak të mungesës së lëndës së parë? Rreziku i mungesës së produkteve bazë të konsumit? Varfërimi i mëtejshëm i shtresës në nevojë?
Shkëputja e zinxhirit të funizimeve globale për shkak të luftës në Ukrainë është sot shqetësimi më i madh. Askush nuk e di se sa do të zgjasë dhe sa do të shtrihet. Mallrat që janë pjesë e shkëputjes së zinxhirit të furnizimeve do të sjellin rritje të çmimeve të produkteve kritike, siç është nafta, gazi dhe ushqimet. Shqetësimi bëhet kritik, duke patur parasysh peshën e konsiderueshme që kanë furnizimet nga Rusia dhe Ukraina për tregjet europiane e globale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
