Netflix, një platformë jo vetëm për filma dhe seriale - Business Magazine Albania

Netflix, një platformë jo vetëm për filma dhe seriale

Netflix

Netflix Inc., po shënon lëvizjen e tij të parë përtej shfaqjeve televizive dhe filmave, duke u zgjeruar në shërbimin e video-lojërave dhe ka punësuar një ish ekzekutiv të Electronic Arts Inc. dhe Facebook Inc. për të udhëhequr përpjekjet.

Mike Verdu do të bashkohet me Netflix si Zv. President për zhvillimin e lojërave, duke raportuar tek Shefi i Operacioneve Greg Peters, sipas një prononcimi nga kompania.

Idea është të ofrohen video-lojëra në platformën e transmetimit të Netflix brenda vitit të ardhshëm. Lojërat do të shfaqen krahas tarifës aktuale si një zhanër i ri programacioni, i ngjashëm me atë që bëri Netflix me dokumentarët apo specialitetet stand-up. Lajmi i mirë është që kompania aktualisht nuk planifikon të tarifojë shtesë për përmbajtjen.

Netflix ka kërkuar mënyra që të vazhdojë të rritet, veçanërisht në tregjet më të ngopura të tilla si SHBA. Kjo përfshin ndërtimin e programeve për fëmijë dhe hapjen e një dyqani online. Kompania mbetet shumë përpara rivalëve streaming si Disney + ose HBO Max, por ajo shtoi më pak abonentë sesa pritej në tremujorin e saj të raportuar së fundmi.

Netflix do të ndërtojë ekipin e tij të lojërave në muajt e ardhshëm. Kompania tashmë ka filluar reklamimin për pozicionet e lidhura me zhvillimin e lojërave në faqen e saj të internetit.

Video-Lojërat i japin Netflix një mënyrë tjetër për të joshur klientët e rinj dhe gjithashtu ofrojnë diçka që asnjë nga konkurrentët e saj të drejtpërdrejtë nuk e ofron aktualisht.

Në fund të fundit, kjo lëvizje mund ta bëjë më të lehtë për Netflix që të justifikojë rritjen e çmimeve në vitet e ardhshme. Lojërat shërbejnë gjithashtu për të ndihmuar tregun e shfaqjeve ekzistuese.

Shumë nga kompanitë më të mëdha të teknologjisë shesin opsione lojërash përveç shërbimeve të tyre video. Apple Inc. ka një platformë të quajtur Arcade për lojëra, si dhe një shërbim TV+ për projekte video origjinale, por tarifon shtesë për lojërat.

Lexoni: N-Plus, Netflix po mendon të krijojë një rrjet social kushtuar programeve të saj

/bloomberg

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0