Arabia Saudite po ndërton një qytet në shkretëtirë ndryshe nga çdo gjë tjetër në Tokë. Në planet për projektin, Princi i Arabisë Mohammed bin Salman tha se bregdeti 170 kilometra në veri-perëndim të vendit do të jetë ishte pa makina dhe rrugë, me emisione zero të karbonit.
Smart City do të mundësohet tërësisht nga energjia e pastër, një hap i madh në largimin e Arabisë Saudite nga një ekonomi e bazuar në naftë.
Zbuluar për herë të parë nga Princi Mohammed në 2017, Neom është zhvillimi kryesor i biznesit dhe turizmit të Arabisë Saudite në bregdetin e Detit të Kuq dhe një projekt qendror në Vizionin 2030 që përshkruan planet e mbretërisë për të diversifikuar ekonominë.
Zhvillimi prej $500 miliardë do të përfshijë qytete inteligjente, porte dhe zona të ndërmarrjeve, qendra kërkimore, vende sportive dhe argëtuese dhe qendra turistike.
Zhvillimi do të shtrihet në 26,500 kilometra katrorë dhe do të përmbajë disa zona, përfshirë zonat industriale dhe logjistike, të gjitha të planifikuara për t’u përfunduar në 2025.
Ekziston një plan për të krijuar një rrjet të aeroporteve në Neom që do të përfshijë një aeroport ndërkombëtar. I pari, i quajtur Aeroporti Neom Bay në rajonin verior të Sharma, u hap vitin e kaluar dhe kryen fluturime të rregullta për investitorët dhe punonjësit në projektin Neom.
Antoni Vives, shefi i zhvillimit urban në Neom, tha se aeroporti ndërkombëtar, një nga më të mëdhenjtë në botë, do të ishte gati para vitit 2030.
Ndërtimi i qendrës së biznesit dhe teknologjisë pritet të kontribuojë $48 miliardë në prodhimin e brendshëm bruto të mbretërisë dhe të krijojë 380,000 vende pune, me ndërtimin që parashikohet të fillojë në tremujorin e parë të këtij viti.
Neom është krijuar për t’iu përgjigjur disa prej sfidave më të ngutshme globale me të cilat përballen zonat urbane dhe të frymëzojë një mënyrë alternative të jetesës.
Qyteti do të ruajë 95% të mjedisit natyror përreth vendit, duke theksuar marrëdhëniet e njerëzimit me botën natyrore.
E gjithë energjia në Neom do të jetë 100 përqind e rinovueshme – nga prodhimi i energjisë diellore, erë dhe hidrogjen – duke siguruar një ekosistem me emision zero, karbon pozitiv.
Sistemet modulare ndërvepruese të teknologjisë së lartë do të tërheqin kompani kërkimore dhe fillestare të lidhura me ujin për të nxitur inovacionin dhe udhëheqjen në të gjithë sektorët e industrisë së ujit.
Rrjeti i shpërndarjes së ujit të Neom do të lidhet plotësisht përmes një Interneti të avancuar të infrastrukturës së uUjit për të siguruar humbje minimale të ujit, duke e vendosur Neom në ballë të teknologjisë së ujit.
Perktheu: Florent Ibrahimi
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
