Sa nga ndërtesat në vend janë ngritur duke pasur në fokus kursimin e energjisë? Një nismë që kërkon investim fillimisht, ndonëse më tej mundëson të kursesh, në fakt është pothuajse rastësore. Operatorët në treg thonë se as 5% e ndërtesave në vend nuk janë green. Green building janë 3-5% të përfunduara, thonë ata, duke theksuar se sistemet kapot që kanë këto ndërtesa nuk janë në standard dhe do të duhet të rinovohen pas pak vitesh.
Nismat për green building janë ndërkombëtare. Bashkimi Europian ka projektuar linja të veçanta financimi, që mundësojnë edhe mbështetjen financiare.
Italia në janar të këtij viti ka nisur programin e subvencionit 110% për çdo familje që blen dhe investon në materiale që kursejnë energjinë në banesë. Në ndërtimin e fasadave të gjelbra ajo ka pasur një subvencionim 60-70%. Kursimi përfshin çdo aspekt, elektroshtëpiake dhe panele diellore.
Gjermania, e cila ka nisur rinovimet para 10 vitesh ka një program të kursimit të energjisë në çdo aspekt me objektiv për ta mbyllur në 2030.
Tregu i ndërtimit të konstruksionit për veshjet e fasadave për kursim energjie nuk është eksploruar shumë. Një trend në zhvillim në botë, shfaq prirje edhe në Shqipëri. Por, niveli i zhvillimit të këtij segmenti varet shumë edhe nga niveli i të ardhurave dhe stili i jetesës.
Lexo: E ardhmja gjeopolitike dhe ekonomike e rajonit të Ballkanit
Një ndërtesë e gjelbër parashikon që të zvogëlojë ndikimet negative në klimë, por edhe të sigurojë kosto më të ulëta për ngrohje dhe mirëmbajtje, pasi ndërtesat e gjelbra ruajnë burimet natyrore.
Në vendin tonë ka disa kompani. Mes tyre “SHPIGEL”sh.p.k, e cila ka qenë promovues për produkte inovative në sektorin e veshjeve të fasadave energji-efiçiencë për ndërtesat e gjelbërta.
Me 25 vite në treg, kompania me seli në Tiranë shtrin aktivitetin e saj në të gjithë territorin e Shqipërisë, si dhe eksporton në rajon materialet e nevojshme për fasadën.
Kompania ofron standartin LEED Energji Eficience për veshjen e fasadave, me materialet nga profilet e aluminit termik si psh: dyer, dritare, struktura alumini për fasada strukturale xhami, fabrikimin e të gjithë llojeve të xhamit të veshur low-E coating si edhe veshjet e fasadave të ventiluara me panele, HPL, ACP, FRC, FGRC. Terracota
Bashkëthemeluesi dhe Drejtori i SHPIGEL, z. Ylli Merkohasani tregon se, kompania ka fituar tenderin ndërkombëtar për kompletimin e fasadës së projektit prestigjioz të Bankës Kombëtare të Shqipërisë me Arkitekt Prof.Dr Arch: Marco Petreschi si nënkontraktor i kompanisë ndërtuese italiane “ACMAR” s.c.p.a, Itali.
Realizimi i projektit të fasadës ishte një sfidë që kaloi me sukses. Madje për herë të parë, në vendin tonë kompania shqiptare i prodhoi produktet në fabrikën e saj, Me investimet e saj në teknologji, SHPIGEL ofron vlera të reja në tregun shqiptar së bashku me asistencën e kompanisë amerikane Guardian Glass, pjesë e Grupit “KOCH INDUSTRIE USA”.
Janë shumë projektet e përfunduara nga kompania, ndërsa vazhdon të eksportojë në vende të ndryshme të Bashkimit Europian materiale të fabrikuara për fasadat.
Projektet e realizuara me objektiv kursimin e energjisë nisën në 2012. Trendi pritet të rritet më tej edhe me plotësimin e legjislacionit shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
