Ndërrimi i shtëpive: Formë akomodimi për pushime që po bëhet gjithnjë e më popullore - Business Magazine Albania

Ndërrimi i shtëpive: Formë akomodimi për pushime që po bëhet gjithnjë e më popullore

Në dekadën e fundit, faqet si Airbnb kanë konkurruar hotelet dhe prona të zakonshme me qira si një shtëpi akomodimi për pushime, por së fundmi, një konkurrent i ri po shfaqet – ndërrimi i shtëpive.

Ndërrimi i shtëpisë është shkëmbimi i shtëpisë me dikë tjetër në vendin ku jetoni ose diku tjetër, kështu që secili mund të përfitojë nga një mundësi financiarisht e vlefshme kur bëhet fjalë për akomodimin për pushime. Sipas një studimi të ri nga Love Home Swap me bazë në Mbretërinë e Bashkuar, ky lloj akomodimi për pushime po rritet gjithnjë e më tepër. Kompania pa një rritje prej 282% vitin e kaluar krahasuar me vitin 2019, e ndjekur nga një rritje e mëtejshme 73% midis majit dhe qershorit 2020 gjithashtu. Të njëjtat të dhëna treguan se kërkesat e pronave bregdetare kanë zënë 40 përqind të kësaj kërkesë, si dhe një tërheqje drejt pronave rurale (30 përqind).

Cilat janë avantazhet e ndërrimit të shtëpisë?

Meqenëse Covid-19 krijoi një frikë rreth hapësirave të përbashkëta, ndërrimi i shtëpive u jep udhëtarëve qetësi në hapësirën e tyre.

“Ndryshe nga hotelet, do të ketë më pak njerëz që kalojnë nëpër vendin ku po qëndroni”, u shpreh për Euronews Celia Pronto, drejtoresha e Love Home Swap.

“Koncepti i ndërrimit të shtëpive ishte në rritje përpara Covid, por pandemia me të vërtetë e ka shtuar atë,” tha James Asquith, themelues dhe CEO i Holiday Swap.

Përpos këndvështrimit shëndetësor, financiarisht, ndërrimi i shtëpive është një opsion më i lirë. Në rastin e Holiday Swap, kjo është më pak se 1 euro nata për person.

“Një nga arsyet që po shohim një interes të shtuar në ndërrimin e shtëpive është padyshim për të kursyer para,” shpjegon James. “Ekonomitë po luftojnë më shumë se kurrë, bizneset e vogla, njerëzit që punojnë në industrinë e shërbimeve sidomos po kalojnë një kohë të vështirë.”

E veçanta tjetër e shkëmbimit të shtëpive është mentaliteti “jeto si një vendas”, duke ndërtuar marrëdhënie të mirëfillta me komunitetin. Ju njihni njerëzit në shtëpinë e të cilëve do të qëndroni paraprakisht, ata mund t’ju prezantojnë me vendasit. Për shumë njerëz, kjo është pjesa më e mirë e udhëtimeve. Këto fakte mbështeten nga statistikat, me Love Home Swap që pretendon se një e treta e anëtarëve pushojnë më shumë se katër herë në vit, duke kursyer mesatarisht 1,100 € në akomodimin përmes webit.

EURONEWS

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0