Paul Allen, i cili bashkë-themeloi Microsoft me mikun e tij të fëmijërisë Bill Gates, ka ndërruar jetë. Ai ishte 65 vjeç.
Kompania e Allen, Vulcan Inc tha në një deklaratë se ai vdiq ditën e hënën. Më parë këtë muaj Allen tha se kanceri për të cilin u trajtua në vitin 2009, limfoma e jo Hodgkin, ishte kthyer.
Allen dhe Gates themeluan kompaninë Microsoft në vitin 1975. Ndarja e madhe e Microsoft-it erdhi në vitin 1980, kur IBM Corp vendosi të kalonte në kompjuterë personalë. IBM i kërkoi Microsoft të mundësonte sistemin operativ.
Vendimi e futi Microsoft në fronin e teknologjisë dhe dy bashkëpunëtorët nga Seattle u bënë miliarderë.
“Unë jam zemërthyer nga vdekja e një prej miqve më të vjetër dhe më të dashur, Paul Allen,” tha themeluesi i Microsoft Bill Gates gjatë një deklarate. “Paul ishte një partner i vërtetë dhe mik i dashur. Kompjuterët personalë nuk do të kishte ekzistuar pa të.”
Të dy më vonë iu përkushtuan filantropisë. Gjatë disa dekadave, Allen dha më shumë se 2 miliardë dollarë për një gamë të gjerë interesash, duke përfshirë mirëmbajtjen e oqeanit, njerëzit e pa strehë dhe avancimin në kërkimet shkencore.
Allen u largua nga kompania në vitin 1982 pasi u diagnostikua me sëmundjen e Hodgkin.
/IrishTimes
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
